Tamala wenga musungwana wa vyaka vinkhondi ndipu wajanga ndi apapi ŵaki.

Muzi wawu wenga pafupi ndi dondu lo lenga ndi nyama zamudondu.

Tamala wenga mwana wakuvwiya apapi ŵaki.

Waphweleliyanga mbuzi ndimbeleli.

Tamala wayanjanga kuvwiya tiyuni tichimba asani waphwelele nyama.

Asani tiyuni titumba, wayikangamu mazyu ngaki musomuzo.

Tamala wenga munamana ukongwa kwamba sukulu. A papi ŵaki azomelezanga ŵana alala pe, Nashipae ndi Tasieku, kuluta kusukulu.

Wenga mtunda wakukwana makilomita 10.

Nashipae ndi Tasieku ŵalutanga kusukulu ndi anyawu kutuliya kunyumba ndimulenji ndipu ŵawengaku ndimazulu.

Ŵapinganga vakulya mutimakontena.

Tamala wanguŵafumba Anyina, "Kumbi ndilutengi zukwanji kusukulu?"

Anyina angumuka, "Ulutengi mwana wangu."

Zuŵa linyaki kunguza ada bwana ndi azimayi ŵaŵi mugalimotu.

Ada bwana ŵaonesesanga kuti ŵana atamba sukulu ndi vyaka vyakwenele.

Ŵanthu ŵagomezyanga kuti asani mwana wakwanisa kukweza janja laki ndikujumpha pamutu ndikuchiko gutu, ngwakunozeka kwamba sukulu.

Ada bwana angufumba, "We ndi vyaka vilinga?" Tamala wangumuka, "Nde ndi vyaka vinkhondi."

"Tioni asani ungaluta kusukulu," ndimu angukambiya ada bwana.

Yumoza mwaku azimayi ŵanguto janja lamalyi laku Tamala ndikulikweza pachanya pamutu waki.

Tamala wanguko gutu laki lakumazye.

Tamala wangwamba sukulu yakulekana ndi yaku Nashipae ndi Tasieku.

Yenga yifya ndipu kwenga kufupi ndi kunyumba.

Tamala wangukondwa ukongwa.

Wanguŵanaŵana, "Ndezemuŵelenga ndi kulemba nge Nashipae ndi Tasieku."