Uyu ndi Mbuyawu.

Uyu ndi Galu.

Mbuyawu ndi Galu ŵapenja kujambuwa.

Mbuyawu ndi Galu ŵapenja kupenta.

Mbuyawu ndi Galu ŵapenja Kujambuwa chithuthuzi.

Galu ndiyu wangwamba.

Wanguto pensulu ndi pepala. Pepela laki ndakulingana mbali zosi.

Chakwamba Galu wajambuwa chinthu chakuzungunya nge zila.

Chakuzungunya nge zila ndi liŵavu laku mbuyawu.

Bama! Ntchipusu!

Sonu wangujambuwa matilayangu ngaŵi pachanya paku chakuzungunya nge zila.

Ma tilayangu ngaŵi ndingu makutu ngaku mbuyawu ndipu wangujambuwaso tilayangu ifipa mukati mwachakuzungunya nge zila chiya.

Tilayangu ifipa ndiyu mphunu yaku mbuyawu ndipu wangujambuwa kamuzeli pachanya pamphunu.

Sonu wangujambuwa masu ndi vikopi vaku mbuyawu.

Masu nditimadonthu tiŵi.

Vikopi nditimizeli tiŵi.

Bama! Ntchipusu.

Sonu wangujambuwa mulomu waku mbuyawu.

Kamuzeli ndiku mulomu.

Kaoneka nge chilembu cha 'w' ndipu wangujambuwa weya waku mbuyawu.

Weya utatu kumazye ndi weya so utatu kumalyi.

Chakujambuwa sonu chaja kamanavi kumala.

Wangujambuwa janja ndi malundi ngaku mbuyawu.

Manja ndi malundi nthimizeli. Wangujambuwa vikumbu vakumalundi vaku mbuyawu.

Vikumbu vakumalundi ndi vo vakuzungunya ndipu sonu wangujambuwa muchila waku mbuyawu.

Muchila ngutali.

Paumalilu wangujambuwa timizeli pa luŵavu laku mbuyawu ndipu wangulipenta mtundu wa olenji.

Chakujambuwa chamala.

Awa! Ntchakutowa.

Sonu ndi nyengu yaku mbuyawu.

Wanguto pensulu ndi pepala.

Pepala nda lekitangu.

Chakwamba mbuyawu wangujambuwa chakuzungunya nge zila.

Chakuzungunya nge zila ndilu liŵavu laku galu.

Bama! Ichi ntchamampha.

Sonu wangujambuwa tinthu tifipa pachanya pa chakuzungunya nge zila.

Tinthu tifipa nditu makutu ngaku Galu ndipu wangujambuwa chakuzungunya mukati mwaku chakuzungunya nge zila chiya.

Chakuzungunya chifipa ndichu mphunu zaku Galu ndipu wangujambuwa timizeli pachanya pa mphunu.

Sonu wangujambuwa masu ndi vikopi vaku galu.

Masu ndingu timadonthu tiŵi.

Vikopi ndivu timizeli tiŵi.

Sonu wangujambuwa ko kaoneka nge chilembu cha 'w' ndipu wangujambuwa timadonthu kuzunguliya mulomu waku Galu.

Titatu kumazye ndi titatu kumalyi.

Chakujambuwa chaja kamanavi kumala.

Wangujambuwa manja ndi malundi ngaku Galu.

Manja ndi malundi ndi timizeli ndipu wangujambuwa vikumbu vakumalundi vaku Galu.

Vikumbu vakumalundi ndi vo vakuzunguliya ndipu wangujambuwa muchila waku Galu.

Muchila uwoneka nge maluŵa.

Paumalilu wangujambuwa tinthu takuzungunya paliwavu laku Galu ndipu wangulipenta mtundu wantcheti liŵavu laku Galu.

Chakujambuwa chamala.

Awa, Ntchamampha!

Ndaluta mbuyawu.

Ndaluta chithuthuzi chaku mbuyawu.

Ndaluta Galu.

Ndaluta chithuthuzi chaku Galu.