Tamala ali mwana mulindwana wa finja fihano yuyo ikalaga nabapapi bake.

Akaya kabo kali papipi ni tengele lilyo mukikalaga ifinyamana.

Tamala ali wopilikila abapapi bake.

Tamala atimaga ng'osi kangi ni mbene.

Tamala aliganile kupilikisha kwimba kwa tu njuni linga otima finyamana.

Linga njuni sikwimba, yope abika masho gake mu cuni.

Tamala ali mwana mudono fiyo ni sukulu. Bapapi bake babitikishe abakulu bake bene, Nashipae nu Tasieku, ukuti bobabuke ku sukulu.

Sukulu yali kubutali ma kilomita ikumi limolyene.

Nashipae nu Tasieku babukaga ku sukulu nabanyabo ba mukaya nulubunju kangi bagomokelaga namayolo.

Bapaya cakulya mu tuma kontena.

Tamala amulalusishe mama wake, "Kusukulu nkhwisapobuka ndili?"

Mama wake alyamwile, "Ukwisapobuka lululu mwana wangu muganiwa."

Isiku limo, gali lyafikile mumo mwali mwanafyale na wanakasi babili.

Umwanafyale alonda kuti bana babukege ku sukulu linga bali ni finja fyakwitikisibwa.

Bandu basubilaga kuti linga mwana akufwanisha ukutambalasha akaboko pa mutu nu kukola imbulukutu yake, abagile ukuya pakwanda sukulu.

Mwanafyale alalusishe, "Ulini finja filinga?" Tamala alyamwile atile, "Ndini finja fihano."

"Tukete linga unkhabuka ku sukulu," mwanafyale ayobile.

Mwanakasi yumo alyegile iciboko cha icindyelo ca Tamala nucikindisha pa mutu wake bununu bununu.

Tamala akolile imbulukutu yake iyakucimama.

Tamala akwisapobuka ku sukulu iyokindana nu Nashipae kangi nu Tasieku.

Yali nyimphya kangi yali pipi na kumwabo.

Tamala ahobwike fiyo.

Tamala aIinong'wine, "Nkhwisa pobelenga nu lemba nkhati yo Nashipae nu Tasieku."