Liyolo fiyo Suba, Mwesi, Fula nu Mbelo bakomanaga.

Ndamyo yake yali yakuti Suba likalonda ukubala isiku lyosa, Mwesi, Fula nu Mbelo bope balonda lululo.

Atayapo uyo alonda ukumupa munyake lusako.

Bapangene ukuti bikale pasi nuyobeshana. Suba yamulalusishe Mwesi, "Butuli buci bubo uwe ukubomba pacisu capasi?"

Mwesi atile, "Nkhutula finyamana kuti fibinge busiku bosa."

Mwesi walalwishe Fula, "Butuli buci ubo uwe kubomba pacisu ca pasi?"

Fula yatile, "Nkhubika misi ku chisu ukuti fipiki fikule kanunu, kangi finyamana fyope fingwe misi."

Fula yalalusishe Mbelo, "Uwe kutula cici pacisu chapasi?"

Mbelo atile, "Une nkhutula kupyagila cisu, kangi sona nkhutula kuti Fula yifike posaposa pacisu."

Mbelo andalwishe Suba atile, "Uwe kutulaci pa cisu capasi?"

Suba lyatile, "Nkhupa cisu utukila, ifi fyutula fipiki ni finyamana ukuti fikule kanunu."

Suba, Mwesi, Fula nu Mbelo fyapilikene kanunu.

Popapo Suba lyatile, "Apa twesa tukucitula cisu munjila syakupambana pambana."

"Ena," ayobile Mwesi, "Patwesa nayumo yuyo akukinda munyake."

"Tunkhabombela imbombo pampene," ayobile Fula. Mbelo atile." Nosi satugabane amasiku." Bosa bapilikene.

Iyi yo nongwa kabalilo kamo tuketa Mwesi kabalilo kamo lumu. Kangi sona kabalilo kamo tupilika Mbelo linga ifula yikutima.

Suba, Mwesi, Fula nu Mbelo, bobomba kanunu pampene. Bopilikana fiyo.

Umwe muganileci suba, mwesi, fula pamo mbelo?

Jambula cico uciganile fiyo.

Tukulonda cisu ukuti tuye nubumi. Mucisu tukwagamo fyakulya, pakwikala, finyamana ni fipiki. Fyosa fikututula.

Nuswe tubombepo cimo ukuti tucitule cisu citu, uwe ungabombaci ukuti ucitule cisu? Lemba tukete.