Kariza aliganile ukulalusha malalusho. Ifi akoshishe ku bapapi bake.

Baliganile ukumubula Kariza ukuti, "Linga atolalusha malalusho bo ulinkeke, linga wakula usakuya mundu mukonyofu!"

Isiku limo, Kariza amulalusishe m'manyisi wake atile, "Nongwa yacici bapapi bitu biganile kutubula ukuti tusukusulege m'maboko linga tulonda pakulya napapo linga muli muswepano?"

Abanyake bagaganile fiyo malalusho gake. Bataliganile ukubuliwa ukuti bakasukusule m'maboko gabo!

M'manyisi alyamwile atile, "Lalusho nunu! Napapo linga mumaboko mungaboneka mununu, lole ifibungu fyuyamo.

M'manyisi akindilishe atile, "Fibungu fikwandisha mbungo. Tutangafiketa fibungu namaso gitu, pakulondibwa paye cindu cimo camaka coketela fibungu."

M'manyisi abukile pakwega mayikulosikopu mukabati. "Mayikulosikopu co cindu cico tubombesha poketela findu fifyo tutangaketa namaso gitu," M'manyisi ayobile.

M'manyisi apupwile ingili pakaboko ka Kariza nubika pa silaidi ya mayikulosikopu.

M'manyisi abikile ngili pa silayidi ya mayikulosikopu ifi fyobaketile pachakuketelela.

Napapo m'maboko ga Kariza mwali muswepano, mwalyagiwe tufibungu!

Fibungu fikwayiwa posaposa, kwandila kufindu fifyo tukola mukalasi mwitu, kulubingilo lwa kwangalila mpaka kunyumba.

"Fibungu ifi fingatubinisha," abasokile m'manyisi wawo.

Akindilile kuyoba ukuti, "Njila nunu yogogela fibungu ifi kokusukusula m'maboko namisi amanunu agasopo linga tulonda ukulya.

Sona linga tubinile tubagile kusukusula m'maboko nisopo ukuti fibungu fingagibwaga posa posa."

Bo afikile kunyumba, Kariza amwagile tata wake akupanga icipango cohobosha. "kupangaci tata?" Alalushile Kariza.

"Ici co tukucikolela ukuti 'kandagirukarabe' (kanya nu sukusula), "ayobile tata wake." Mbombo yake tukusukusulila m'maboko.

Kariza aswigile popilika ifyo. Akutile, "Naloli" m'manyisi witu atumanyisishepo fya ici. Loli bingi ba uswe tutacimanya haga. Cubomba bulibuli mbombo?

Tata wake asekile nuyoba kuti, "segelela papipi mwana wangu."

"Pakwanda ukanye pacipiki pasi apa," amubulile tata wake.

"Basi upoketa misi gosoka gogene. Loli utankhibwa kusukusula m'maboko nisopo," tata ambulile Kariza.

Kariza ahobwike fiyo kangi atile, "Nayapomanya buli linga nthalalusha malalusho?

Fyabwanaloli ukuti amalalusho gakulongosha kumahala."