Pali mulumyana ngamu yake Abelo. Alipangile mwene gileta.

Abelo atalinayo uwakumwendeshela gileta yake. Atile ku mulumbu wake Meli, "Ngulonda wakunendeshela gileta lyangu. Nalamba mphako cidoli cako. Cikale mwigileta."

Loli Meli atile, "Hayi, ngulonda cidoli cangu." Nongwa yakuti Meli akanisishe cidoli cake Abelo akalele fiyo. Amupokile cidoli numuguza.

Meli aguzile ciboko cinyake ca cidoli. Abelo aguzile yope Meli aguzile. Ciboko ca cidoli cadomphwike!

Meli alilile fiyo nukindilila kwa mama wake. "Keta mama," atile, "Abelo adomphwile cidoli cangu iciboko. Alonda kuti akabike mwigileta lyake kabalilo ako nalonda pakwangasha."

Mama wake atile, "Abelo atabomba kanunu."

Mama inong'wine njila yomumanyishila ukuti angakola kangi cidoli camulumbu wake. Mama alinong'wine injila.

Mama abukile kwa munyake uyo ali yo dokotala amulalwishe atile, "Ngulonda ubutuli bwako." Dokotala alyamwile atile, "Ninkhakutula buli, munyangu?"

Mama alyamwile atile, "Mwana wangu Abelo akubomba kayilo kabibi fiyo masiku aga. Adomphwile ciboko cacidoli ca mulumbu wake. Atankhisa kubomba sona isi.

Kilabo mphomubula ukuti isenaco icidoli kumwako ukuti usamubwesekeshele ciboko."

"Nalamba umbule Abelo akuhombe pambombo yako. Atanasho ni ndalama, usamupeko galimoto yako yaliyolo asakusukile." Mama wa Abelo ayobile.

Umunyake asekile nukuyoba ukuti, "Eheya! Fipokuya kanunu."

Mama wa Abelo abukile kumwabo. Amulalwishe Abelo. "Ninga ubinile lumo ufulele kubuka kwanani?" Abelo atile, "Ninga mbinile pamo mfulele, mbagile ukuti mbuke kwa dokotala."

Mama wa Abelo atile, "Ufuleshe icidoli nosi ubuke naco kwa dokotala."

Abelo alyegile cidoli nubuka naco kwa dokotala. "Cidoli ici cifulele fiyo. Mama ambulile atile nise naco kumwako. Dokotala, unkhabikilapo ciboko cinyake?"

Dokotala alitikishe ukuti aciketelele cidoli. Amenye utenthekesha ciboko cipya.

Dokotala atile kwa Abelo, "Mbikilepo ciboko. Nosi uhombe ndalama. Unindalama silinga?"

Abelo alyamwile atile, "Nalamba dokotala, ndangakuhomba ni mbombo iyi uyibombile."

Dokotala atile, "Ndaga! Utanayo ndalama nayimo?" Galimoto yangu yifitile fiyo! Uyisuke mo upohombela."

Abelo alyegile cobikamo misi na misi numwenda umuswepano. Alyegile akabalilo katali ukuti asuke galimoto imfitano yila.

Abelo alyegile cidoli numupa mulumbu wake Meli. Ifi fyamuhobwishe fiyo Meli. Ambulile Abelo ukuti, "Uwe we mulumbu wangu wandumbula nunu. Wabomba fiyo potenthekesha cidoli cangu."

"Mulumbu wangu, uhobokele papo nakalele kangi nukusulumalisha," ayobile Abelo.

Kwanda sikulila, Abelo alekile kukola findu fya mulumbu wake. Agela fiyo ukuti aleke pokalala.

Abelo akumbwike kabalilo kako alyegile posuka galimoto inyali ya dokotala. Alinong'wine ukuti citakaya cinunu pokalala nukonanga findu.