Okumara emyezi mingi, eiguru rikaba dyomire. Lomongin, ruranganwa omukugwisa enjura, akagamba nemandwa zeye. Abantu bakerundanira omumaisho gamaka geye, nekihika barinzire enkuru yamasiko.

Kuyashohwire aheeru, yahamiiza abantu ngu omuhangi araza kubahereza enjura omu bwire bwa haihi. Baraza kubasa kuhinga ebihingwa.

Abaana bakaba barazaanira aheeru obwe tutegyerize enjuura. Bwanyima omuri eryo 'izooba, tukareeba ekiho kyamutare mu burugwa eizooba. Nkamanya ku ni ebicu byenjura.

Abantu bakaba bakyatekateka ahaki oragwisa enjura yagambire. Maama akayomba namaani," Kuri! Ebicu byeiragura. Mutahe omunda."

Enjura ekarwa.

Tukaba turinzire enjura! Omukubanza tukesiima. Kwonka enjura ekanga kusya.

Amaizi gakaba gari buri hamwe. Orutindo orwabire ruratugaita nebyaro ebindi rukatwarwa.

Amaju gakatwarwa emitunga. Ogwabire guri omugisha gwaba omukyeeno ahari itwe.

Buri omwe akaba ayetegwire kubyara. Kwonka hati bakaba batarabasa kubyara. Abantu bekyaaro kyeitu bakaba batwire bategyereize enjuura kwonka hati bakaba batakyagyetaga nakakye. Tukaba tutakine entindo zokwambukiraho. Nabaingi batakine maka.

Kandi, twagira ekindi kizibu! Tukareeba gonya ziribira buri hamwe. Eki kikaba kitakabahoga kuruga enyima. Twaza omukahuriiko.

Tukaba tutakiza kugura ebintu omumaduuka ahakuba amaduuka goona gakaba gari eseeri yemigyera. Abaana bakaba bakakyaza ahaishomero ahobwokuba amashomero gakaba gari eseeri yomugyera.

Ogwabeire gushemereire kuba omugisha, gukaba omukyeeno ahari itwe. Lomongin, oragwisa enjura, nawe akatuntuzibwa. Omwe wenka owashemereirwe akaba ari Kapuus nenjangu ze munaana.