Dwem vea Jaki ve lu ikyua a gar ugen.

Ve zua abu man ve hingir ahuraior.

Ve tôndo zwa shi ve nger ve wa ave er, vea yaan kwaghyan imôngu shi vea kuran ayol ave sha mbaihomov imôngu.

Ve eren hanmô kwagh imôngu.

Ve hii u yaven ijiir imôm kpaa.

Iyange igen yô ve za u za man mngerem shin kungô uagh.

Ve lu yemen sha gbenda lamen shi sen kpaa.

Mba nyer shin uagh yô Jaki sen shin gba za man mngerem.

Dwem di kôndo sha gba zan man mngerem.

Shien kpuaa yô, Dwem de mngerem ma man.
A gba ahon er, "Jaki, er nan u lu hundun mngereme?"

Jaki ungwa ato zahemen u man mngerem.

Ishima vihi Dwem kpishi.

"U kondo ato? Mngu lamen a we Jaki," Dwem gba nanden a Jaki.

Jaki kenger Dwem gbaang. A pine Dwem er, "Ka hanmô shie mngerem ma gem kuan akôndô akôndô?"

Dwem kaa er, "Mngerem hii u kuan akôndô akôndô shien u se ya ikyar la."
Dwem wa iyol u wuan Jaki.

Jaki gema kaa sha lanshima er, "Ka ibumegh yagh u henen mer, se faityô u lun ahuraior. Gba wuan mo yan tsô."

Dwem man ta sha Jaki, kôr un.