Kopano le Lereko ba ja dikuku tšeo ba di pakilego le mmabona.

Dikuku tšeo di elela tsina.

"Mma naa tsina e tšwa kae?" gwa botšiša Lereko.

"Dikuku tše di a tsefa, naa e ka ba di dirilwe ka swikiri?" Kopano o a akanya.

"Aowa, tsina ga e tšwe swikiring. E dirwa ke dinose," mmabona a araba.

"Dinose di kgoboketša mamepe go tšwa matšobeng, gomme tša a boloka ka gare ga phago ya tšona," mmabona a hlaloša.

"Dinose di swanetše go etela makgolo a matšoba go dira mabotlelo a tsina!"Kopano a rialo ka kgahlego.

Lereko a šikinya hlogo a letša molodi.

"Dinose di dira le propolis goba poti ya dinose yeo e šomišwago go dira dihlare,"mma a tšwela pele go hlaloša.

"Prop eng? Prop-olis? Ke eng seo?" Lereko a botšiša

"Ke motswako wa go mata wo o dirwago ke dinose," mmabona a araba.

"Propolis e šomišwa go dira dihlare tša go alafa malwetši a letlalo.mokgohlwane le sehuba."

"Lena ba babedi le swanetše go nyakišiša kudu ka ga dinose le gore di re thuša bjang,"mma a myemyela.

Kopano le Lereko bjale ba hlompha dinose kudu.