Ngalelinye lilanga Khosi bekasemcabangweni ngalokubanti, acabanga ngalagakwenta. Unina abengekho aye emasimini. Yena abesele emuva ekhaya.

Khosi wafikelwa ngumcabango ngekusheshisa. "Umfula!", "Ngitawuya ngiyobhukusha! kodvwa angikwati kutsi ngingahamba ngedvwa" kucabanga Khosi. "Ngubani nje longahamba nami?"

Ngaleso sikhatsi chamukiyani,Make Sofi adlula ngendlela leya ngasemfuleni, abetfwele imanji lebeyigcwele timphahla.

"Nazo ke! Ngitawulandzela Make Sofie ngiye emfuleni" kusho Khosi asemcabangweni. Bahambisana balandzelwa ngumngani wa Khosi longu Nozipho. Sebafike emfuleni, atsi Khosi kuNozipho,sengibhukushile emantini lamancane, nyalo ngitawukhomba wonk'umuntfu kutsi mine Khosi, ngingabhukusha emantini lajulile.

Ngalesosikhatsi Khosi watiphosa emantini lajulile. Nozipho abembukela aselusenseni lwemfula. Nozipho abengakutsandzi kubhukusha. Asabukile,wamangaliswa yindlela Khosi labebhukusha ngayo. Kwametfusa kakhulu lobekakubona kwenteka. Wamemeta kakhulu, "Yekelelani,Khosi uyacwila! Make Sofi lobekatiwashela edvute, washeshisa wazubela emantini lapho Khosi abecwila khona. Wafike wabamba Khosi ngemkhono.

Make Sofie wahlamba na Khosi waphuma naye ngephandle. Khosi abesenebumatima bekuphefumula.

Akaphotisanga maseko Make Sofie, wammema wamgijimisa emtfolampilo wesigodzi. Umhlengikati wamphutfuma, wamniketa lusito. "Khosi ubenenhlanhla ngobe akamange acwile sikhatsi lesidze" kusho umhlengikati ku Make Sofie.

Make Sofie wavele wamoyitela ngekukhululeka lesikhatsi bonkhe bambonga. Lendzaba yebuqhawe bakhe yadvuma yavakala nasebukhosini besigodzi. Indvuna yatfumela kutsi kulandvwe Make Sofie.