Kwidolophana ethile kwakukho isityebi sendoda eyayinemali.Abantu bonke kulendawo babenqwenela ukufana nale ndoda.Kwenye yevenkile,kwakuthengiswa izihlangu ezinhle nezazibiza imali eninzi.Mna ke ndazalelwa kule dolophu.

Abathengi babengene kule venkile kodwa baphume besonge izandla ngenxa yokuxhuma kwamaxabiso nomgangatho wezihlangu Ngaminazana ithile,Kwangena indoda inyalasa,inyantsula izithanda ifake izandla ezipokothweni

Yayiphethe ingxowa enemali ezinkozo nengamaphepha.Ithe isahamba-hamba apha evenkileni,yeza ngakwicala lam. Ndangcangcazela,ndabamba umphefumlo. Ndaphantsa ndafa xa ikhupha isandla sayo indithatha

Ngokukhawuleza,yathi vu phantsi yandilinganisa. Inyawo zayo ezinkulu zandicinezela kabuhlungu.Ivumba lezonyawo zayo landifuthanisela ndaxakwa nakuphefumla.Yawuyeka wonke umzimba wayo wathi zinzi phezu kwam. Wandibhatala waza wayibetha yancinci imoto wagoduka nam.

Kodwa azange ndibenobumi obumnandi naye.
Wayesonqena kakhulu ukuhlamba.Ndandizilwela ngokumtsweba apha ezinyaweni kodwa unkabi aziqinise ahambe.

Kodwa azange ndibenobumi obumnandi naye.
Wayesonqena kakhulu ukuhlamba.Ndandizilwela ngokumtsweba apha ezinyaweni kodwa unkabi aziqinise ahambe.

Ndathi ndakuguga,akandikhathalela.
Imvula zazizenzela kum,imimoya namaqhwa iphelela kum.Andisathethi ngelanga lalindinditshisa lonele.
Izinja nekati zazitsiba-tsiba phezu kwam. Amakhwenkwe namantombazana ayendikhaba.

Ndandimanxeba -nxeba.
Kungekho namnye umntu ovelena nam.Emva kwentsuku ezithile,kwafika uMchweli.
Wancuma,wandichola,wandisa kwivenkile yakhe apho ndafika ndenziwa ispaji esihle sexabiso.