Adun dooashe kpishi. Ior mba hen wangar na cii soo u vôsun un.

Kpa Adun venda ve cii.

Yange i kasua i gen yô, Ityough ki Ormbakugh ngohol angahar sha injô hen orgen, a ngohol ave hen ugen man gunduiyol hen orgen kposo.

Ormbakugh ne zua alegh a iyolough ne cii. A wa ityough nagh shami man a nyôr kasua.

Ormbakuv ne soo Adun sha gbashima na cii. Adun kpaa or ne doo un ishima kpishi. Adun lumun u zan ivaa vea na.

Or ne due ken tar u chaa kpishi. Adun man gba toho, yem ivaa vea na.

Adun ngur yemen vea Ityough ki Ormbakugh yô, or u angaharegh ngohol angahar a na. Or u aveegh kpa ngohol ave na.

U masen yô, or u gunduiyol kpa ngohol gunduiyol na.

Ityough ki Ormbakugh mase menger a menger u yemen. Cier Adun iyol kpa a faityô u yevese ga.

Ve yem zanzan ve nyôr shin ya u Ityough ki Ormbakugh.

Kper nan pepe yô, cii Ityough ki Ormbakugh a yar ken ityev yô a wa Kurugh kwagh.

"Aluer Adun gba toho u yemen sha uuma yô, tôngu korugh kaam," Ityough ki Ormbakugh kaa a Kurugh nahan.

Er Ityough ki Ormbakugh yar yô, Adun wa ikyav nav vôgh vôgh. Man a kôr gbenda u yemen.

Kurugh nengen nahan yô, a tôngu korugh, "Ityough oooo! Ityough oooo! Adun gba toho ngu yemen!"

Ityough ki Ormbakugh zenda za kôr Adun. A pine Adun er, "U ngu zan hana?"

Adun hide yem vea Ityough ki Ormbakugh shin ya na.

Adun za kpehe ishor er una fa kwagh u una er yô.

Orishor kaa a na er, "Za za yam kuese u alev, mir shin mkurem ma nyian, wa ken korugh ku Kurugh kula."

Adun dondo mkaanem ma Orishor vough vough. A wa kuese u mkure la shin korugh ku Kurugh la.

Kper nan yô, Adun kura ikyav nav gba toho shi gba yemen.

Kurugh tee korugh er una tôngu yô, kuese u mkure gba un ken zwa.

Kurugh ya kwagh zanzan hunde ishima.

Adun yevese zanzan za ar sha uumace.