Lina, mè ogwu ute mè ogwu uga ekitumu ikọ òfolek ayaya orukan̄ òsisibi me linyọn̄.

Me usen ya, me uwu ikpa, Lina ododo ogwu ijejeen̄ ibe, "Ìre keke orọ ebe mè eji ekigwọk ubọk?"

Ogwu ijejeen̄ obebe ke mije ke òkpa orukan̄ òwa me ubọk kiji, ire, ke òkpa orukan̄ cha mîsiik enenen ire lek ene kpôkọt isa ukpọk chieen̄ ikike imun̄.

"Òkpa orukan̄ cha mîsiik enenen. Ekisa ọkpọkpọ umọọn̄ gaalek imun̄."

Inenikwat emen ubọk kè Lina igwook me irak umọọn̄ ya.

Lina okpọkpọ me emen ọkpọkpọ umọọn̄ ya, mè imun̄ òkpa orukan̄ cha ònan̄a me ubọk kan̄.

"Barọsi mè bakitiria ìre ebi kè òkpa orukan̄. Òkpa cha môkọt irọ mè eji ebọm orukan̄."

Ogwu ijejeen̄ obebe, "Ikekigwọk ubọk ìkikput barọsi mè bakitiria inyi ema ekakpọk ìkana ere."

Nte kè Lina òkirom nroon̄ ekisa igwọk ubọk.

Lina okekido ibe, "Ìre ìke owa ke ekisa nroon̄ keyi igwọk ubọk?"

Ifọfọọk ibe, "Mêsa ukot ijak me agan̄ irak. Ntook uwot ya isikọọn̄ òkpọ ya inyi agan̄ ge, mun̄ ira ikigbuk isibi."

"Sa mun̄ mè asabe gwọk ubọk.  Ìke okigwọk, kifuk ifuk usuk usuk re lek akọp iba (20)."

Lina obebe, "Nte n̄a, owu oriọọn̄ inu enenen. Ire, ire obotọp ene amọn, soso kanyi ubọk."