Kwesukasukela, bekunesidlakela lesisikati. Ngalelinye lilanga nasihamba eceleni kwelichibi, sahlangana netidzandzane letintsatfu.

Lesidlakela sabuta letidzandzane, "Ngubani emkhatsini wenu lotsandvwa ngibo bobabili batali bakhe?"

Lomunye kuletidzandzane watsi, "Make wami ungitsandza kakhulu." Lesinye satsi, "Babe wami ungitsandza kakhulu."

Kepha sesitsatfu satsi, "Ngitsandvwa ngibo bobabili batali bami."

Sidlakela sacela lesidzandzane lesitsandvwa ngibo
bobabili batali kutsi simsite ngekutfwala tinkhuni.

Ngako sidzandzane salandzela lesidlakela.

Bahamba libanga lelidze. Sidzandzane sabuta lesidlakela, "Tikuphi tinkhuni takho?"

Sidlakela saphendvula, "Tiseceleni kwaletiya tihlahla letilapha!"

Ngesikhatsi befika etihlahleni, sidzandzane saphindze sabuta, "Tikuphi tinkhumi takho?"

Sidlakela saphendvula, "Setisedvute nyalo!"

Bahlangana nendvodza endleleni. Yabuta sidlakela, "Ngubani libito lalomntfwanakho?"

Sidlakela saphendvula, "Libito lakhe ngusikhwama lesikhulumako."

Sidzandzane sampongolota sihlabelela.

Sahlabela, "Angibitwa ngekutsi ngingusikhwama lesikhulumako. Libito lami nginguKaamungei! Maye! Make wami, lengimtsandzako. Maye! Babe wami, lengimtsandzako. Maye! Ludziwo lwami, lengilusebentisela kunatsa lubisi!"

Ngesikhatsi indvodza iva loko lebekuhlatjelwa ngulesidzandzane, yasisindzisa futsi yasibuyisela emuva kubatali baso.

Chozi, chozi iyaphela!