Bukuta i n'wana wa mhelembe yo basa.

Vahlayisi va ntanga va n'wi ponisile exihlahleni.

Mana wa yena a dlayiwile hi vahloti.

Vahlayisi va ntanga va tekile Bukuta ku ya eka ndhawu ya vuhlayiseki.

Mbilu ya Bukuta a yi tshovekile.

Naswona, a chava leswaku vahloti va ta vuya va ta teka rimhondzo ra yena.

Hikatsongo, Bukuta u vile na vanghana.

U titwile a hlayisekile na ku huhwa eridakeni.

U nwile masi lama ma nga fuwa evuhlayiselweni.

Siku rin'wana Bukuta u vutisile munghana wa yena Mbhoma, "Hikwalaho ka yini va lava timhondzo ta hina.

Mbhoma a hlevetela, "Va tshemba leswaku timhondzo ta hina ti na masingita!"

"Kambe timhondzo ta hina a ti na masingita!" ku rila Bukuta.

"E-e, hi mpela a hi swona. Timhondzo ta fana na misisi na min'wala," ku vula Mbhoma.

Bukuta na Mbhoma hi vona vo hetelela va muxaka lowu.

Timhelembe to basa ti le kusuhi na ku hela.

Ti le kusuhi no hela emisaveni hinkwayo.

Hi nga ponisa mhelembe na swiharhi swin'wana leswi nga kusuhi na ku hela.

Xana u nga endla yini?

Kuma swo tala!