A ndzi si tshama ndzi ambala tintanghu.

Loko ndzi vona vana va ambale tintanghu ta kahle, a ndzi ta va languta ndzi va navela.

Manana wa mina a ta ku, "U ta va na tintanghu to tala eka nkarhi lowutaka, wena ho yima!"

Mikarhi yin'wana a ndzi nga n'wi tshembi. "Nkarhi lowutaka wihi?" siku rin'wana ndzi n'wi vutisile.

Nkarhi wu hundzile naswona a hi ri ekusuhi na Khisimusi. Un'wana na un'wana a famba a ya emakete na ku vuya ni nkwama lowu nga ni swilo swintshwa.

"Manana, xana hi ya emakete?" ndzi n'wi vutisa.

Siku ku nga si fika Khisimusi, manana wa mina va ndzi pfuxile ka ha ri mixo ku tlula masiku.

U ndzi komberile ku ya teka basikiti lerikulu ra ku xava leri a tshamela ro famba na rona emakete.

Kona le makete, a ku ri ni vatswari vo tala ni vana va vona.

A va ri karhi va xava swiambalo swintshwa na ku pangela swakudya.

Hi fambile hi kongome laha a ku ri na tintanghu to tala to hambana.

Mahlo ma mina a ma pfulekile hi ku hlamala. Ndzi lo gaba eka rheyi yin'wana na yin'wana ya tintanghu leti pakiwa kahle.

Endzhaku ka ku ringeta tintanghu to tala, ndzi hlawurile tintanghu ta ntima to boha. Ekaya siku rero, a ndzi nga swi koti ku etlela.

A ndzi tsakile swinene ndzi anakanya hilaha ndzi nga ta ambala hakona tintanghu ta mina tintshwa na ku ti bombisela n'wana un'wana na un'wana etikweni.

Endzhaku ka nkarhi, ndzi humile emikumbeni na ku ambala tintanghu.

Ndzi fambile hi ku nonoka endzeni ka yindlu kutani ndzi hluvula ndzi ti chela ebokisini.

Ndzi badama nakamba, kambe a byi nga khomi.

Ndzi pfukile ndzi ringeta tintanghu ravumbirhi.

Ndzi bambabamba ekamareni nkarhinyana kutani ndzi ti vuyisela.

Ndzi badama nakambe ndzi ringeta ku etlela. Kambe ndzi pfuka ravunharhu, ndzi ambala tintanghu ndzi tlulatlula ekamareni.

Ndzi ti twa ndzi karhele. Ndzi tekile xiboho xa ku tlhelela emubedweni.

Mixo lowu landzelaka, ndzi pfuxiwile hi manana.

"I ncini leswi ndzi swi vonaka?" a vutisa.

A ndzi ambale tintanghu ta mina tintshwa emubedweni!