Khale wa khaleni a ku ri na xihontlovila xa wansati. Siku rin'wana loko xi ri karhi xifamba ekusuhi na tiva, xi hlanganile ni vanhwanyana vanharhu lavantsongo.

Xihontlovila xi vutisile vanhwanyana, "I mani exikarhi ka n'wina a rhandziwaka hi vatswari havumbirhi?"

Un'wana wa vanhwana u te, "Mhana mina va ndzi rhandza swinene." Un'wana a ku, "Tatana wa mina va ndzi rhandza swinene."

Kambe lowa vunharhu a ku, "Ndzi rhandziwa hi vatswari va mina vambirhi."

Xihontlovila xi komberile nhwana loyi a rhandziwaka hi vatswari vambirhi ku pfuneta ku rhwala tihunyi.

Kutani nhwana a landzelela xihontlovila.

Va fambile pfhukanyana. Nhwana u vutisile xihontlovila, "Ti kwihi tihunyi ta wena?"

Xihontlovila xi hlamula xi ku, "Ti le kusuhi na misinya leyi nga lee!"

Loko va fika emisinyeni, nhwana u vutisile nakambe, "Ti kwihi tihunyi ta wena?"

Xihontlovila xi hlamula xi ku, "A ha ha ri kule sweswi!"

Va hlanganile ni wanuna endleleni. U vutisile xihontlovila, "Xana hi wena mani vito ra wena n'wana?"

Xihontlovila xi hlamula xi ku, "U vuriwa nkwama lowu vulavulaka."

Nhwana u humesa rito a yimbelela.

A yimbelela a ku, "A hi mina nkwama lowo vulavula. Vito ra mina hi mina Katekani! Ee! manana wa mina, loyi ndzi n'wi rhandzaka. Ee! Tatana wa mina, loyi ndzi n'wi rhandzaka. Ee! Ejomeleni ra mina, leri ndzi ri tirhisaka ku nwa masi!"

Loko wanuna a twa leswi nhwana a yimbelela swona, u n'wi kutsurile na ku n'wi teka a n'wi yisa eka vatswari va yena.

Ntsheketo wu hela kwala!