Kalekale, phele dzo vha dzi tshi khou fa nga nḓala. Nga nṱhani ha nḓala iyi khulu, mbudzi, nngu na kholomo zwa pfulutshela shangoni ḽiṅwe. Phele dza sala dzi si na zwiḽiwa.

Dza ya dza kuvhangana fhethu huthihi dza amba nga mafhungo aya.

Iṅwe ya phele idzi ya ri, "Nga mvelele yashu, ri ḽa tshithu tshiṅwe na tshiṅwe tshi no khou shavha. Vhonani, makole kheaḽa a tshi khou shavha."

Phele heyi yo vha i tshi tenda uri makole a khou pfulutshela huṅwe fhethu. Ya ri, "Kha ri a ḽe."

Khathihi fhedzi, phele dzoṱhe dza lilala, dza vhona makole a tshi khou tshimbila.

Iṅwe ya phele dzi re vhana ya vhudzisa, "Ri ḓo swikelela hani makole? A kulekule, nṱhanṱha."

Phele i re yone khulwane kha dzoṱhe ya ri, "Phele i re yone ya maanḓa kha i ime fhasi riṋe roṱhe ri ime nṱha ha miṱana yashu ri tshi gonya. Ri ḓo gonya ro namelana kha miṱana u swika ri tshi kwama makole."

Vha tendelana ngauralo vha thoma o gonyana kha miṱana.

Hu si kale, ha vha hu si tshee na phele yo salaho ngei fhasi nga nnḓa ha iḽa nthihi ya tshinaḓa.

Musi phele ya u fhedzisela yo no swika maṱhakheni, iḽa phele ya u thoma ngei fhasi ya vhona u nga dziṅwe dzo no thoma u ḽa.

Ya vhudzisa, "Khezwi ni sa nṋei-vho zwiḽiwa zwine na khou ḽa?"

Fhedzi, phele dzo balelwa u swika makoleni.

Dzo balelwa u wana zwiḽiwa zwino dza vha dzi si na zwine dza nga fha tshiḽa tshinaḓa tshi re ngei fhasifhasi.

Iḽa phele ya tshinaḓa ya thoma u fhela mbilu ya tsukunyea ya sendamela kha tsha monde. Idzi dziṅwe phele dzoṱhe dza vhuya fhasi! Dza wela kha lurumbu lwa tsha u ḽa.

Nga nṱhani ha zwenezwo, na ṋamusi phele dzoṱhe dzi tshimbila dzi tshi ṱudzela kha tsha u ḽa.