Afeefah ndi ṅwana wa tshugulu tshena.

Vhaṱhogomeli vho i tshidza ḓakani.

Mme awe vho vhulahwa nga vhazwimi vha siho mulayoni.

Vhaṱhogomeli vho dzhia Afeefah vha mu isa fhethu ho tsireledzeaho.

Mbilu ya Afeefah yo vha yo pswashekana.

O vha a tshi ofha uri vhazwimi vha siho mulayoni vha ḓo vhuya uri vha dzhie nanga ḽawe.

Nga zwiṱuku nga zwiṱuku, Afeefah o vha na dzikhonani.

O ḓipfa o tsireledzea nahone o vha a tshi tamba matopeni.

O vha a tshi nwa mafhi a re na pfushi henefho fhethu ho tsireledzeaho.

Ḽiṅwe ḓuvha Afeefah o vhudzisa khonani yawe Aaminah, "Ndi ngani vha tshi ṱoḓa nanga dzashu?"

Aaminah a femuluwa, "Vha tenda uri nanga dzashu dzi ita zwimangadzo!"

Afeefah a lila, "Fhedzi nanga dzashu a dzi iti zwimangadzo!"

Aaminah a ri, "Ee, zwo tou ralo. Nanga dzashu dzi fana na mavhudzi na manala."

Afeefah na Aaminah ndi vhone vha u fhedzisela kha wonoyu mufuda wa tshugulu.

Ho tou sala zwiṱuku uri tshugulu tshena dzi sa tsha vha hone.

Dzi tou vha tsini na u sa hone kha ḽifhasi ḽashu.

Ri nga tshidza tshugulu na zwiṅwe zwipuka zwine zwa tou vha tsini na u sa vha hone.

Ni nga ita mini?

Wanani zwo engedzeaho!