Kale kale ho vha hu na ḽidyavhana ḽa musadzi. Musi ḽiṅwe ḓuvha ḽi tshi khou tshimbila tsini na mulambo, ḽa ṱangana na vhasidzana vhaṱuku vhararu.   

Ḽidyavhana ḽa vhudzisa vhasidzana, "Ndi nnyi kha vhoiwe ane a funwa nga vhabebi vhawe vhoṱhe?"

Muṅwe wa vhasidzana a ri, "Mme anga vha a mpfunesa vhukuma." Muṅwe a ri, "Khotsi anga vha a mpfunesa nga maanḓa."

Fhedzi wa vhuraru a ri, "Nṋe ndi funwa nga vhabebi vhanga vhoṱhe."

Ḽidyavhana ḽa vhudzisa musidzana ane a funwa nga vhabebi vhawe uri a ḽi thuse u hwala khuni.

Nga zwenezwo musidzana a sala ḽidyavhana murahu.

Vho tshimbila tshikhalanyana. Musidzana a vhudzisa ḽidyavhana, "Khuni dzau dzi ngafhi?"

Ḽidyavhana ḽa fhindula, "Dzi tsini na heiḽa miri!"

Musi vha tshi swika kha yeneyo miri, musidzana a dovha a vhudzisa, "Khuni dzau dzi ngafhi?"

Ḽidyavhana ḽa fhindula, "A dzi ho kule!"

Vha ṱangana na munna musi vhe nḓilani. A vhudzisa ḽidyavhana, "Ṅwana wau u pfi nnyi?"

Ḽidyavhana ḽa fhindula, "U pfi mukhwama u ambaho."

Musidzana a sima luimbo.

A imba, "A thi pfi mukhwama u ambaho. Dzina ḽanga ndi Kaamungei!  Oh! Mme anga, vhane nda vha funa. Oh! Khotsi anga, vhane nda vha funa. Oh! Khavho yanga, ine nda i shumisa u nwa mafhi!"

Musi munna a tshi pfa zwe musidzana a zwi imba, a mu tshidza nahone a mu humisela murahu kha vhabebi vhawe.

Ha mbo ḓi vha u fa ha lungano!