Vho Kio vha dzula muvhunduni wahashu. Vho Kio vha na tshimange tsho no vhidzwa Safi.
Musi Vho Kio vha tshi ya mushumoni, vha sia muṋango wo vulea.
Safi tshi dzula muṋangoni uri tshi ṱhogomele nnḓu.
Musi mmbwa ya muhura i tshi sendela, Safi tshi a i shushedza.
Mmbwa i a shavha.
Musi muhura a tshi khokhonya muṋangoni, Safi tshi vha tsho ḓilugiselela u mu veta.
Muhura u humela murahu nahone a shavha.
Musi Safi tshi na nḓala, tshi vala muṋango.
Safi tshi ḽa zwiḽiwa zwatsho.
Nga murahu, Safi tshi namela sofa nahone tsha eḓela, "Purr! Purr! Purr!"
Musi Vho Kio vha tshi vhuya, Safi tshi a ḓionyolosa tsho takala nahone tsha vha ṱanganedza hayani.
Vho Kio na Safi vha dzula fhasi, nahone vhuvhili havho vha vhala gurannḓa.