Mukhegula un'wana a fuwile mimbhaha na nkuku wa khale.

Siku rin'wana ntukulu wa yena wa xinuna a n'wi
vhakela.

Hiloko mukhegula a kunguhata ku dlaya nkuku wa yena wa khale.

Nkuku wa yena wa khale wu balekela edorobeni.

Nkuku wa khale wu hlangana na ximanga lexi a xi tsutsuma xi chava n'winyi wa xona.

Hiloko swi tsutsuma swin'we.

Ivi swi hlangana na mbyana leyi na yona a yi ri ku tsutsumeni.

Mbyana na yona yi tsutsuma na swona.

Swi hlangana na hanci leyi na yona a yi baleka.

Hiloko swi tsutsuma hinkwaswo swi ya nghena endlwini yin'wana.

Swi kuma ku ri na swigevenga endzeni ka yona.

Swifuwo swi yimbelela swinene ku kondza swigevenga swi baleka.

Hiloko swi dya swakudya leswi swi swi kumeke endlwini.

Ivi swigevenga swi vuya endzhaku ka nkarhi.

Swifuwo swi hlasela swigevenga.

Swigevenga swi namba swi balekela emakumu.

Swifuwo swi va swi tikumele kaya ra swona lerintshwa.

Swi tshama swi tsakile kona.