Zawadi a ri nhwana wa ntlhanu wa malembe. A tshama na ndyangu wa yena.

Muti wa ka vona a wu tshamile kusuhi na nhova leyi a yi ri na swiharhi.

Zawadi a ri n'wana wo yingisa swinene.

A hlayisa tinyimpfu na timbuti.

Zawadi a rhandza ku yingisela swinyanyana loko swi yimbelela loko yena a karhi a hlayisa swifuwo.

Loko swinyanyana swi rila, u nghenisa marito ma yena ku fambelana na ku rila ka swinyanyana.

Zawadi a ri lontsongo ku va a ya exikolweni. Vatswari va yena a va pfumelela ntsena vana lavakulu, Tabu na Yakobo ku ya exikolweni.

Xikolo xi le ka 10 wa tikhilomitara ku suka ekaya.

Tabu na Yakobo va ya exikolweni na vana van'wana nimixo va vuya nimadyambu.

A va longa swakudya.

Zawadi a vutisa mana wa yena, "Ndzi ta ya rini exikolweni?"

Mana wa yena a hlamula, "U ta ya ku nga ri khale n'wananga."

Siku rin'wana ku fikile movha wu ri na hosi na vavasati vambirhi.

Hosi a tiyisisa leswaku vana va ya exikolweni hi malembe ya yena.

Vanhu a va kholwa leswaku loko n'wana a kala a kota ku lehisa voko ra yena ku hundza ehenhla ka nhloko ku ya khoma ndleve, swi vula leswaku swa fanela leswaku a sungula xikolo.

Hosi a vutisa, "U na malembe mangani?"

Zawadi a hlamula a ku, "Ndzi na ntlhanu wa malembe."

Un'wana wa vavasati a teka voko ra xinene ra Zawadi a ri veka ehenhla ka nhloko.

Zawadi a khoma ndleve ya yena ya ximatsi.

Zawadi u ta ya exikolweni xo hambana na xa Tabu na Yakobo.

Zawadi a tsakile swinene.

A ehleketa, "Ndzi ta hlaya no tsala ku fana na Tabu na Yakobo."