Siku rin'wana manana u xavile mihandzu yo tala.

"Xana hi ta dya rini mihandzu leyi?" hi mina ndzi vutisaka.

"Hi ta dya mihandzu leyi nimadyambu," ku hlamula manana.

Buti wa mina Akani u na makolo.

U ringetile mihandzu hinkwayo. U dye mihandzu yo tala swinene.

"Akani wa phungela na kona u tiehleketelela a ri yexe," ku vula mina.

Manana a hlundzukile hikokwalaho ka swiendlo swa Akani.

Na hina a hi khunguvanyekile hikokwalaho ka Akani.

"Xana mi ta n'wi xupula Akani ke?" ku vutisa buti wa mina lontsongo.

"Wena Akani, u ta tisola ku nga ri khale," ku tsundzuxa manana.

Akani a sungula ku va a nga ha titwi kahle.

"Khwiri ra mina ra vava," ku hlevetela Akani.

Manana a swi tiva leswaku hikokwalaho ka yini Akani a nga titwi kahle.

"Mihandzu yi le ku n'wi xupuleni," ku vula manana.

Endzhaku ka nkarhi, Akani u ve a kombela ku khomeriwa. "A ndzi nge he vi na makolo na siku na rin'we," ku tshembisa Akani.

Ha n'wi tshemba.