Yeesu aaloca niphwanaphwaniho nla:
—Mmoha a nyuwo akhalano ipucepuche nsana, emoha erimeela, akhweya hahiya iye makhumi mathanu naamasheshe ni ipuceputhe thanu nasheshe wi aavye ele erimenle ophiyerya aphwannye?

Aphwanya, onnakapaca ahakalalaka.

Aphiya owannyawe, onnawiichana asinthamwene awe ni awaacamana aloca, ariki: "Muhakalale ni miyo, koophwanya epucepuche aka yaarimenle!"

Hiihaa kinnooleelaani emohamoha tho wi onarwa okhala ohakalala wirimu vanthowa na mulipa oocheka mmoha orukununwe murima waapwaha achu makhumi mathanu namasheshe ni achu athanu nasheshe awookololowa ahinakhwela orukunuwa murima.

Akhweya naanyiherye wi muthiyana mmoha aarino ikhorowa khumi sa eparata, erimeela emoha.

Hapariha muthuko, avela mpa mwawe aavyaka mwawiichaalela ophiyerya aphwannye?

Aphwanya, onnawiichana asinthamwene ni awaacamanano aloca ariki: "Muhakalale ni miyo, koophwanya ekhorowa yaarimenle!"

Emohamoha tho miyo kinnoooleelani: "Onakhala ohakalala vamiithoni va ankeelo a Muluku vanthowa na mulipa oocheka orukununwe murima."