A ku ri na jaha leri a ri vitaniwa Hlanganani. U tiendlerile xigolonyana.

Hlanganani a ri hava muchayeri wa xigolonyana xa yena lexintshwa. A ku eka sesi wa yena, "Ndzi lava muchayeri wa xigolonyana xa mina. Ndzi kombela n'wampopi wa wena. A nga tshama laha ka xigolonyana."

Kambe Cheyeza a ku, "Hayi, Ndzi lava n'wampopi wa mina." Loko Cheyeza a ala na n'wampopi wa wena, Hlanganani a hlundzuka. A lava ku vutla.

Cheyeza a koka n'wampopi wa yena hi voko. Hlanganani a kokela Cheyeza hi voko lerin'wana. Ivi voko ra n'wampopi ri phatluka.

Cheyeza a rila a karhi a tsutsumela eka mana wa yena. "Vona manana," ku vula Cheyeza. "Hlanganani u kokile n'wampopi wa mina wu phatluka voko. A lava leswaku n'wampopi wa mina a tshama eka xigolonyana xa yena kambe mina a ndzi lava ku tlanga na n'wampopi wa mina."

Mana wa yena a ku, "Hlanganani a nga tikhomangi kahle."

Manana u ve a ehleketa leswaku a nga dyondzisa n'wana wa yena njhani ku va a nga khomi swo tlangisa swa sesi wa yena. U teriwile hi miehleketo.

U yile eka munghana wa yena wa dokodela a ku, "Ndzi kombela ku pfuniwa." Dokodela a hlamula a ku, "Ndzi nga ku pfuna hi yini munghana wa mina?"

Manana a hlamula a ku, "N'wana wa mina Hlanganani a nga tikhomi kahle masiku lama. U phatlurile n'wampopi wa sesi wa yena. A nga fanelangi ku endla leswi.

Mundzuku ndzi ta n'wi byela leswaku a tisa n'wampopi wa kona leswaku u ta wu lulamisa."

"Ndzi kombela u byela Hlanganani leswaku u fanele ku va a ku hakela ku va u lunghisile. A nga na mali, u ta n'wi byela leswaku u fanele ku hlantswa dyimovha dya wena dya khale dyo tshama dyi ri na ritshuri," ku vula manana.

Munghana wa yena a hleka a ku, "He he hee! Swi ta va kahle swinene."

Mana wa Hlanganani u tlhelele ekaya. A fika a vutisa Hlanganani a ku, "Loko u vabya kumbe u vavisekile u ya kwihi?" Hlanganani a hlamula a ku, "Loko ndzi vabya kumbe ndzi vavisekile ndzi ya eka dokodela."

Mana wa Hlanganani a ku, "U vavise n'wampopi. Wu teke u wu yisa eka dokodela."

Hlanganani a teka n'wampopi a wu yisa eka dokodela. "N'wampopi lowu wu vavisekile swinene. Manana u ndzi byele leswaku ndzi wu tisa. Dokodela, xana u nga wu nyika voko rintshwa ke?"

Dokodela u pfumerile ku sala na n'wampopi. U endlerile n'wampopi voko lerintshwa.

Dokodela a hlamula Hlanganani a ku, "Tisa ndzi wu lunghisa." Ku hlamula dokodela.

Endzhaku ka nkarhinyana dokodela a vuya na n'wampopi a ku, "N'wampopi u na voko rintshwa. Sweswi ndzi lava leswaku u ndzi hakela. U na mali muni xana?"

Hlanganani a hlamula a ku, "Ndza kombela dokodela, mina a ndzi na mali. A ndzi nge koti ku hakela leswi u nga swi endla."

Dokodela a ku, "Hi swona, a ni ku u ri a wu na mali? Dyimovha dya mina dyi thyakile! U fanele ku dyi hlantswa. Ku ri ndlela yo hakela leswi ndzi nga swi endla."

Hlanganani a teka bakiti ra mati na lapi ro basa. U hete nkarhi wo leha ku hlantswa dyimovha dyo thyaka.

Hlanganani u tekile n'wampopi a wu tlherisela eka Cheyeza. Cheyeza a tsakile swinene ku vona n'wampopi wa wena wu lunghile. Ivi a ku eka Hlanganani, "U buti wa kahle. Ndzi khensa loko u lunghisile n'wampopi wa mina."

"Sesi, ndzi khomele ku va ndzi hlundzukile ivi ndzi hlundzukisa na wena," ku vula Avele.

Ku sukela siku rero, Hlanganani a nga ha tekanga swilo swa sesi wa yena. A ringeta hi matimba ku va a nga n'wi hlundzukeri.

Hlanganani a ehleketa nkarhi lowu a nga wu teka ku hlantswa dyimovha dya dokodela dyo thyaka. A swi vona leswaku a swi pfuni nchumu ku hlundzuka u tlhela u onha swilo.