N'labo nimodha, Nakeyi na mwadhiye ahidhowa vatakulu va Nipapariya na mwadhiye.

Muteli adha afiya, ottambilriwa mwa pama vaddiddi.

Ninga munvirela muweddeloya, mwadhi wa Nipapariya ompa mwanaku, bampiya.

Nona tena baja.

Sumana ina, Nipapariya na mwadhiye ahidhowa vina vatakulu va Nakeyi na mwadhiye.

Adha afiya, Nakeyi kaali vatakulu.

Iyene wadhowile wawetteka murega dhaye wila apena kwali.

Adha awiyela, ohawona amalro aye. Iyene bakala woziveliwa.

M'malelani, olodhowa omattuwani wali mwadhiye.

M'malelani, olodhowa omattuwani wali mwadhiye.

Ninga iyene wahimala owetteka muregaye apale varele kwali mazayi, olokudhulela biya vati, nyemba badhikuttuwa.

Adha amala olodhowa ologa makani na akwaye. Mwaloga awene makani awa,

Nakeyi owiwa kwali bigalila, ejo bikala ezinddiyelo wi yahimala omageya.

Kwali yahimala omageya na murega!

Vomaguvavene, olowimela, battukula m'bene waye bawika muyununi mwaye. Battamagela okule wawettekile iyene muregaye,

nona ofwanyile kwali bimageyile ninga mwajiyedhela iyene.
Agurumelaga, olowittidda kwali bayittukula na n'lada nimodha kayipile.

N'lada nina battukulana mazayi.

Olowiyelela vatakulu vaye bali woziveliwa vaddiddi.

Ninga wawabale ettewelra, m'beni oloroma ogwadda mwihiya vang'ono-vang'ono.

Nakeyi wali woziveliwa vaddiddi, afunaga owaddamelaga vatakulu vaye.

Bagafiya vatakulu va nyumbaye, mwihi ologwaddeya. Ettewelra bimotta, oku attu bagamona.

Na madaye oloroma ottiddelana etewelraye.

Na dhayene, olowittiya kwali bivava, Mazayi aloroma omottela vati nomodha-nimodha, bagatweya.

Nipapariya na mwadhiye bamuteya vaddiddi.

Omamalowa, etena adhile ojana nyemba dhakuttuliwe. Eco enonisunziha wi kaneddege vozuzuma.