Luwo na mai wace adayenda kugereja.

Iwo pakuyenda munjira akhadamuphata boko.

Mugerejamo mukhana wanthu azinji akhadatsonkhana.

Iwo akhaimba.

Luwo adabula mugereja, mwakusaya kuwonedwa na mai wace.

Luwo adakayima panjira acikumbukira kuti: "Kumui kwangu ni kuponi?"

Pamwepo iye adatewera njira, ndipo adawona nyumba ikulu, aciti: "Nee iyi ni nyumba lini yathu, nyumba yathu ni ing'ono."

Luwo adafamba pomwe pang'ono, iye adawona nyumba yapabwalalo.

Adati: "Nee, iyi ni nyumba lini yathu. Nyumba yathu ni ya mdzaulu lini."

Iye adapitiriza kufamba, ndipo adawona nyumba ing'ono ya miceu, adati: "Nee iyi ni nyumba lini yathu. Nyumba yathu idajeda na dongo."

Luwo adayenda kutali kwene-kwene adawona nyumba ing'ono, pambali pakhana m'manga.

Adati: "Nee iyi ni nyumba lini yathu. Nyumba yathu ina mimanga miwiri pambali."

Pakumalizira Luwo adawona mai wace akhabwera kuna iye. Luwo adathamangira mai wace.

Mai wace adati: "Tiyende kumui."

Kodi nyumba ya Luwo ni iponi?