Kgale kgale ho ne ho e na le ngwanana ya bitswang Kopano.

Batswadi ba Kopano ba ne ba le bohlale e le borasaense. Ba ne ba sebetsa porojekeng ya lekunutu e kgolo laborathoring ya bona.

Rasaense ya kgopo ya bitswang Ngaka Ramaqheka o ne a batla ho tseba lekunutu la porojeke ena.

Bosiu bo bong Ngaka Ramaqheka a romela Dan Rabolotsana ho ya kwetela batswadi ba Kopano.

Dan a ba fumana batswadi ba Kopano, a leka ho tshwara Kopano. Kopano o ne a le monyenyane a le lebelo, a phonyoha menwaneng ya hae.

Kopano a matha ka lebelo le kang la lehadima.

Ha a kgaotsa ho matha, a iphumana a le morung o difate di bolelele boo a sokang a bo bona.

Ha a ntse a shebile hodimo moo difate di fellang,a kgotjwa a wa.

A wela hodima se seng sa difate ka hlooho mme a theteha.

Ha a phaphama, a iphumana a le ka phapusing e nang le thelebishene e kgolo.

"Dumela Kopano," ho bua monna ya thelebisheneng.

"Ke sehlwela se sebeletsang Botle Lefatsheng. Ho tloha kajeno, o se o le sehlwela le wena."

Ho tloha tsating leo, Kopano a ba le sebete jwaloka phiri.

Kopano a tswa sefateng ka monyako o neng o le kutung ya sefate.

A phakisa a ya moo Ngaka Ramaqheka a dulang, mme a mo phephetsa ka tlhodisano ya matla.

Ba lwana matsatsi a mabedi mme Kopano a hlola!

Ha batswadi ba hae ba se ba kgutletse hae, Kopano a kgutlela sefateng ho ya batla monna ya neng a mmone thelebeshineng.

A se fumana sefate empa ho ne ho se na monyako.

Yaba o dula fatshe o lebella hodimo difateng.