Efesta ya Ashinama a Manyaka
Basilio Gimo
Laura Liberatore
Elomwe

Mahiku akhalayi nikhuuru nimoha naashinama a manyaka yahuupuwela opaka efesta etokweene, osulu wamwaako.

Yaawoopa ashinamaru yaawo
a manyaka.

1

Ekupa yiiwalaaya elociwaka efesta. Yeeyo yaahuupuwela, "Miyo nkaano nnyaka nimoha mano. Keere esheeni?"

2

Mmeelo mwaya yaahupuwela wi ekushe manyaka ehele vamuru epateyevo ni epothi.

3

Yaaheerano yeela yonnaaya wi yaaheemereryiwa ovolowa ofestani yaasiveliwa yoonaka wi yootepa ovyaka.

Yookacamiha tiila: efesta ene yeele yeereya wansuwani. Efesta yaapacenryaaya, nsuwa naapacerya oviha, epothi tho epacerya otothowa manyaka emora.

4

Ashinama yaale amanyaka yaananariwa, eloca eriki: "Taani yoole ohirino manyaka? Ntakhara sheeni orwa vaava?"

5

Mwene aashinama yaale aahaaruma wi ephare ekupa yeele erihele vachayani. Ashinama oothene yiiwalaaya masu a mwene yaaheereno yeeyo ene.

6

Yaaphara ekupa yeele erihela vachayani.

Ekupa muhaawa waya! Yaamorenlaaya vachayani yaamaninhe mpichi aya vachayani, ohala otuturuwelanne.

7

Yenreno yeela, ashinama oothene yaakookela ofestani. Yaawo yaalya yiina ohiyu woothene. Mwene aahakalala.

8

Ohuukhuwe woona mpichi wa ekupa ori wootuturuwanelana, waavinyenrye vaavale ophiyerya olelo.

9

10
You are free to download, copy, translate or adapt this story and use the illustrations as long as you attribute in the following way:
Efesta ya Ashinama a Manyaka
Author - Basilio Gimo, Little Zebra Books
Translation - Little Zebra Books
Illustration - Laura Liberatore
Language - Elomwe
Level - Longer paragraphs
© African Storybook Initiative 2019
Creative Commons: Attribution 4.0
Source www.africanstorybook.org
Original source A traditional folktale from the Nyungwe people of Mozambique.