Motsaneng o mong ho ne o ena le mohlankana ya bitswang Thabo.

Thabo e ne e le motswalle wa Lerato, mme matlo a habo bona a ne a bapile e le baahisane.

Ka tsatsi le leng, ba ya sedibeng sa motsaneng wa habo bona.

Ha ba fihla sedibeng, ba bona kgomo e bothile haufi le sediba.

Ba dula fatshe ba rera ho ya bapala le yona.

Thabo a qala a etsisa modumo wa kgomo ha e lla a re, "Muu, muu, muu," ka lentswe le phefa.

A tswella pele ho etsa modumo oo ho fihlela kgomo e hetla e ba sheba.

Hanghang Lerato a shatjwa ke letswalo, mme Thabo a elellwa hore o tshohile.

Yaba o re ho Lerato, "Ha re ilo otla kgomo ena, e tla baleha ebe re kgona ho fumana metsi."

Lerato a re, "Ke a tshaba Thabo," a rialo a thothomela.

Thabo ya eba yena ya qalang ho tshosa kgomo, mme Lerato a mo latela ka morao a tsamaya butle. Ba leka ho otla kgomo, empa ya se ke ya sisinyeha.

Thabo a re ho Lerato, "Wena sala mona, nna ke tla ya lata metsi." Lerato a dumela.

Thabo a kga metsi a a tshela nkgong ya pele.

Eitse ha a kga nkgo ya bobedi, kgomo ya raoha, ya mo hlaba ka lenaka ya mmeha molaleng wa yona.

Thabo a hweletsa a re, "Joo, joo, joo!" Lerato a keketeha ha bona sena.

Kgomo yona ke ha e ntse e re feela, "Muu, muu, muu!"

Ha a qetile ho tsheha, Lerato a mathela hae ho ya bolella mmaThabo hore Thabo o hlajuwe kgomo.

A fumana mmaThabo a ntse a fiela lebala kantle.

"Mme, mme, matha, kgomo e hlabile Thabo ka lenaka!" Lerato o bolella mmaThabo a hemela hodimo.

Mme mmaThabo a lahlela lefielo fatshe, yaba o potlakela ho ya thusa Thabo.

Na o nahana hore ho ile ha etsahalang kamora moo?