Kariza uasuverere okupura omapuriro. Uasisirue ijo vanene ve. Uahongua kutja, "Tjiuhena uapura omapuriro ngunda uri omutiti, kono tjiua ovina tjiuarire omunene!"

Ejuva rimue Kariza uapura, "Ongue ovanene vetu tjiueto kohiza omake ndunda tuhijarija, nandi kutja omake jetu maje munika oukohoke?"

Ovanatje imbo varwe vari vahimua noho. Kave vanga okurajerua okukoha omake.

Omitiri aziri, "Indo epuriro ewa, Kariza. Nandi Kutja omake jetu majemunika oukohoke majenene okukara no ndova noho."

Omitiri jazira kutja, "Ondova ijeta ouvere. Ondova katuimunu nomeho jetu, tuhepe ovina vijarwe okumuna ondova."

Omitire jetora ekende rokumuna ovina ovititi kotjitiha. "Ekende indii tungurisa okutara ovina mbituhena okumuna nomeho," eje atja.

Omitiri jaeka eke ra Kariza no kati kuzambo ajeke ekende ro kumuna ovina oviti.

Omitiri jetuako ekende kotjitiha ovo vamuna imbii.

Nandi kutja omake ja Kariza ajemunika oukohoke, jeri no ndova.

"Peno ondova ongondoroka naete, kovina mbitutuna, metuo romerihongero, pendje pumunjandera po konganda noho. Ondova indjii maijene okutuverisa tjinene," omitiri jeve kengeziza.

Eje atja, "Okuzepa ondova indji, tuzo kukoha omake jetu noheva no meja, tjinene ndunda tuhijarija. Noho tjituavere matozo kukoha omake jetu kutja atuhaverize ovakwetu."

Kariza tjavaza ponganda, uavaza ihe amaundura otjina otjihimise. "Mounguraje?" apura.

"Iitji o 'kandagirukarabe'," ihe atja. "Tjiunguriziua okukoha omake tjiuazu noku ngurisa okaruwo, nu noho ngunda ohijarija ovikurja."

Kariza uri uatemua nu atja, 'Ii omambo! Omitiri jetu jeturaere otjina itjo ndino, posija ete katuno kutjiua kutja ngatindurise vi. Tjiungura vi?"

Eje uajora nu emurajere, "Indjo popezu mbikuraisire muatje uandje omukazona."

"Rutenga ronda korukune indo," ihe atja.

Otjitjuma tjomeje matji ripete atje jete omeja komake joje. "Zemburuka okukoha noheva," eje uarajera Kariza.

Kariza uari nohange nu atja, "Etje tjiua vi tjimbihena mbapura? Omambo tjirii omapuriro jejeta ozondunge."