Tamara e be e le mosetsana wa mengwaga ye mehlano yoo a bego a dula le lapa la gabo.

Motse wa bona o be o le kgauswi le sethokgwa seo se bego se na le diphoofolo tša naga.

Tamara e be e le mosetsana wa go theeletša batswadi ba gagwe.

O be a hlokometše dinku le dipudi.

Tamara o be a rata go theeletša dinonyana ge di opela ge a hlokometše diruiwa.

Ge dinonyana di opela, o be a tšhela mantšu a gagwe go molodi wa koša.

Tamara o be a sa lekane ke go ya sekolong. Batswadi ba gagwe ba be ba dumeletše bana ba bagolo e lego, Naome le Thapelo go ya sekolong. Sekolo se be se le bokgole bja dikilometara tše 10.

Naome le Thapelo ba be ba sepela le bana ba bangwe ba mo motseng mesong le mantšiboa go ya le go boa sekolong.

Ba be ba rwala dijo ka ditšhelo tše dinnyane.

Tamara o ile a botšiša mmagwe, "Na ke ya neng sekolong?"

Mmagwe a mo araba ka go re, "O tla ya e se kgale ngwanaka."

Ka letšatši le lengwe go ile gwa tšwelela koloi yeo e bego e nameditše kgoši le basadi ba ba bedi.

Kgoši o netefaditše gore bana ba ya sekolong ka mengwaga ya maleba.

Batho ba be ba dumela gore ge ngwana a kgona go otlolla letsogo la gagwe godimo ga hlogo, a kgona go kgoma tsebe ya ka letsogong le lengwe, go ra gore o loketšwe ke go thoma sekolo.

Kgoši a botšiša, "Na o na le mengwaga ye mekae?" Tamara a fetola ka go re, "Ke na le mengwaga ye mehlano."

"Bjale a re bone gore o ka ya sekolong na," kgoši a realo.

Yo mongwe wa basadi bao a swara letsogo la go ja la Tamara gomme a le bea godimo ga hlogo ya Tamara.

Tamara a kgoma tsebe ya gagwe ya letsogo la nngele.

Tamara o tla ya sekolong sa go fapana le sa Naome le Thapelo.

Ke sekolo se seswa sa kgauswi le gae.

Tamara o be a thabile kudu.

O ile a nagana, "Ke ilo kgona go bala le go ngwala go swana le Naome le Thapelo."