Arai Ekaale edia lo awoi nabo adiim. Ayei akilas na ng'auni.

Amina anapit ekot lokirion lokooyen lo ainakini amaekeng lo anyaritae Eyanae.

Ng'irwa lu agolitere eskul, eyoki Ekaale ng'aatuk a ng'ikauriak keng.

Akwaar apei, iyoki Ekaale nga'aatuk, abu akiru totep.

Na atepa akiru, abu aite namina apa keng, nabe Nakirion, touri.

Arai itaok ng'ini nikebusen noi nipe nying'olikina Ekaale kaace.

Alakarikina Ekaale akiyok Nakirion ka itaok keng kimuriakis tani ng'aatuk nace.

Abu kitam, "Abala apakang kainakini itaok kerau niberu."

Ani eroko itami, abu akan nakagongon kiria ng'esi kidiama.

Aking'olikinet Ekaale amaekeng Eyanae abu kitama, "Amae, nyanu ng'aatuk?"

Tatachak amaekeng Eyanae, "Abu itiokon taanyu ng'aatuk daang ananok, amam Nakirion ka iyong.
Abulit itiokon sodi katomeu ayong aanyun iyong."

Alakarikina Ekaale alimokin amaeken eger lo auria Nakirion itaok nikebusen.

Tama amaeken Eyanae, "Adaki ayong itaok kuwopuut iyong ka Nakirion."

Alakara ng'itunga daang aking'olikin Ekaale, Nakirion ka itaok ejokak.

Kingit Ekaale apakeng, "Ichamuni iyong atolema ayong itaok loger lokolong ibala?"

"Ee, lokokang, ikon daang. Alimunet erai alimunet."