Lona nguKati.

Lena Yinja.

Kati Nenja bafuna kudvweba.

Kati Nenja bafuna kufaka umbala.

Kati Nenja bafuna kwenta umsebenti webuciko.

Kucala Inja.

Itsatsa ipensela itsatse neliphepha. Liphepha lisikwele.

Inja icale idvwebe lokusalicandza.

Lokusalicandza kungumtimba waKati.

Oh, loko kulula!

Ibese idvweba bocalatsatfu lababili ngetulu kwalokusalicandza.

Bocalatsatfu lababili batindlebe taKati ibese idvweba calatsatfu lomnyama kulokusalicandza.

Calatsatfu lomnyama ulikhala laKati ibese idvweba umugca ngetulu kwelikhala.

Manje idvweba emehlo nemashiya aKati.

Emehlo ngulamachashati lamabili.

Emashiya yimigca lemibili.

Oh, loko kulula!

Ibese idvweba umlomo waKati.

Umlomo ngumugca.

Ubukeka ufana nangwaca 'w' ibese idvweba emadzevu aKati.

Emadzevu lamatsatfu eluhlangotsini lwesencele kanye nemadzevu lamatsatfu eluhlangotsini lwesekudla.

Ibese idvweba imikhono nemilente yaKati.

Imikhono nemilente yimigca ibese idvweba lutwane lwaKati.

Tintwane tindingilizi ibese idvweba umsila waKati.

Umsila ngumugca lomudze.

Ekugcineni idvweba imishi emtimbeni waKati bese yenta umtimba uba nembala lowolintji.

Nyalo umdvwebo sewuphelile.

Oh, kwate kwaba kuhle!

Nyalo selitfuba laKati.

Utsatsa ipensela neliphepha.

Liphepha lingucalandze.

Kwekucala Kati udvweba lokusalicandza.

Lokusalicandza kungumtimba Wenja.

Oh, loko kuhle!

Ubese udvweba imifanekiso lemnyama lemibili ngetulu kwalokusalicandza.

Lemifanekiso lemnyama lemibili tindlebe Tenja ubese udvweba indingilizi lemnyama kulokusalicandza.

Lendingilizi lemnyama likhala Lenja ubese udvweba umugca ngetulu kwelikhala.

Manje udvweba emehlo nemashiya enja.

Emehlo ngulamacashati lamabili.

Emashiya ayimigca lemibili.

Oh, loko kuhle kakhulu!

Ubese udvweba umlomo Wenja.

Umlomo ngumugca.

Ubukeka ufana nangwaca 'w' ubese udvweba emacashati latungeleta umlomo Wenja.

Lamatsatfu eluhlangotsini lwesencele nalamatsatfu eluhlangotsini lwesekudla.

Umdvwebo sewucishe uphele.

Udvweba imikhono nemilente Yenja.

Imikhono nemilente yimigca ubese udvweba lutwane Lwenja.

Tintwane tindingilizi ubese udvweba umsila Wenja.

Umsila ufanana nembali.

Ekugcineni udvweba tindingilizi letimnyama letimbalwa emtimbeni Wenja bese ufaka umbala lophuti emtimbeni.

Nyalo umdvwebo sewuphelile.

Oh, kwate kwamangalisa!

Usale kahle Kati.

Usale kahle mdvwebo waKati.

Usale kahle Yinja.

Usale kahle mdvwebo Wenja.