Ayei adakar diyete anami.

Ayei kolong apese naachi.

Anyaritai ng'esi Atieno.

Arai apakeng a Atieno ekechaman loeyenikintai. Ayakar ng'esi atubwa.

Amina Atieno akicham ng'ikolia ka apakeng.

Amina Atieno akitere ng'isapa eboliasi epira.

"Kimya atoboliata keesi," kilipa kece akwaar apei.

Tokianatar ng'esi ng'isapa ng'esi, "Kape tobolia adukduk ka ng'apesur."

Tolimokisi ng'apesur Atieno, "Ewoyak ng'akejen noi." Kialolong Atieno.

Tarawo akalong napae keng'.

Ataparac daang, kidong'a Atieno ka kolong.

Apei kwaar, nyidowuno akalong. Nyerukino ekukuku. Nyerukino ng'ikieng. Nyeloto ng'ide losukul. Apekee deng nyeloto akicam ng'ikolia.

Kialolong Atieno. "Nyani napayaka, akolong? Nyo itibokinit akwap akwaar na?"

Tolimok Atieno ng'ide luce atamar iyalolongi ng'esi kotere nying'olikina napae keng'. Tokianator ng'ide ng'esi tamasi etonit napae, "Kon kori nyebuni nabo. Tama nyetoni akolong arae apae kang."

Tama Atieno, "Erai akolong napayak. Nyetoni."

Tong'oo Atieno toloma kai.

Tolem epira alokatokeng topet lokojokon.

Kitam Atieno, "Alemar epira tolosio nikalapata aboliar kidarunia napae keng."

Kitam Atieno akiwakin epira nalup. Kitamak, apedori yon abolia loger ang'isap lu.

Kitam Atieno awakin epira nalup sodi tobolia kwa ng'isapa, aniepesi ng'esi epira tolot kidiami lokojokon.

Tokiengikis ng'itunga daang. Epira nitieng'opiari alodowon.

Kililing chok.

Abu edou tong'opea. Abu akalong tatakanu. Tobong akiyar nadakar.

Potu ng'itunga daang tosubakinos.

Nyenupa Atieno be abong akaolon nadakar. Kaneni ka daang, abu akalong tobongu.

Telimok ng'ide, "Abongu napayaka!"