Apei kwaar Akadeli, Akai, Atabo ka Natesiro toloto ageor ng'araitia a amoni.

Toting'as ng'akan edokete ang'olol.

Apot taanyut ekitoe lo araiit ng'akalalio alokeuk ang'olol.

Tochamakinos akilem ng'akalalio emudukete.

Apot Akai, Atabo ka Natesiro nyeemuduk ng'akonyen.

Akadeli bon abu tomuduk anapesur kang'una.

Na akenyuneta, torukou ng'esi bon alemit ng'aratia nakajonak.

Apot Akai, Atabo ka Natesiro tokienatar Akadeli tobong'o kech nawi.

Abu Akadeli tobuko ng'araitia nakajonak na agerit ng'esi sodi togerunio na akokito.

Abu Akadeli kileleb echwee a ng'araitia ana akokito.

Na elelebea Akadeli echwee lokeng', abu tobong todok ang'olol bon.

Na anang'ia Akadeli kiding' ang'olol apot ng'akalalio keng' tobukokinos nakipi abu tong'o kikalou.

Abu Akadeli king'olik ekolia loapolon anakipi kirum.

Alorot abu chili tokopo ekolia a Akadeli topororia.

Abu echili tochauk akopiro keng' tolem Akadeli tolosio nawi.

Abu Akadeli torukou ng'ikeutak lu ewolito ng'inyia anakeis kech kotere amamakatar ngakopir.

Apot ng'ikeutak tolemasi akopiro Akadeli nakis ng'esi emong.

Na anang'ia Akadeli nawi emeat emong, apot ng, ikauriak keng' tolakaros noi. Apot Akai, Atabo ka Notesiro tamasi aria kolong ng'iking'ala Akadeli dae.

Erai akwaar eekeny Akadeli!