Sara o na le mokoro.
Mokoro wa gagwe ke wo mogolo.
O mo hleng ga noka.

Basadi ba bangwe ba ile ba tla nokeng. Mosadi yo mongwe o swere sekotlelo sa dienywa. Yo mongwe mosadi o swere kgogo. Yo mongwe mosadi o swere pudi. Yo mongwe mosadi o swere dipudi tše pedi.

"Na re tla fihla bjang mošola wa noka?" Ba botšiša Sara.

Sara a re, "Namelang mokoro wa ka!"

Bjale, gwa fihla banna ba bangwe. Monna yo mongwe o swere hlapi. Yo mongwe monna o swere paesekela. Yo mongwe monna o swere lesaka la bupi.

Monna yo mongwe o swere disaka tše pedi tša bupi. Ba botšiša Sara ba re, "Na re tla fihla bjang mošola wa noka?"

Sara a araba a re, "Namelang mokoro wa ka!"

Diphoofolo tše dingwe tša tla nokeng. "Na re tla fihla bjang mošola wa noka?" Tša botšiša Sara.

Sara a re, "Namelang mokoro wa ka!"

Diphoofolo tša namela mokoro.
Mpša ya namela mokoro.
Katse ya namela mokoro.
Kgabo ya namela mokoro.
Mmutla wa namela mokoro.
Khudu ya namela mokoro.
Phuthi ya namela mokoro.

Tlou ya fihla nokeng. Ya botšiša ya re, "Na ke tla fihla bjang mošola wa noka?"

Sara a re, "Namela mokoro wa ka!"

Tlou ya namela mokoro. Mokoro wa tlala ka meetse.

Batho le diphoofolo ba ile ba fologela ka meetseng.

Mokoro ke wo monnyane. Re ka se lekane.

Sara a re, "Emang! Ke tla thoma ka go nametša basadi."

"Morago, ka nametša banna." A realo Sara.

Mafelelong, ke tla nametša diphoofolo." Sara a realo.

Tlou ya re, "Nna ke tla sepela!"