Kale saana, akasuba, umweshi, imfula elyo noomwela fyaleelwa.

Ubwafya bwali bwakuti, akasuba kaleefwaya ukulasanika bushiku boonse. Umweshi waleefwaya ukubalika inshiku shoonse. Imfula yaleefwaya ukulaloka cila bushiku. Umwela nawo waleefwaya ukulaapuupa cila bushiku. Tafyaleefwaya ukupelana inshita.

Eico, fyapingwilepo ukwikala pamo nokulanshanya. Kasuba aipwishe Mweshi, "Nifinshi ucita kukwafwilisha isonde?" Mweshi ayaswike ati, "Ine mbalika ubushiku pakuti inama shileelunga."

Mweshi aipwishe Mfula ati, "Bushe nifinshi ucita kukwafwilisha isonde?" Mfula aayaswike ati, "Mpeela isonde ameenshi pakuti imiti neefimenwa fileekula bwino. Kabili, ndapeela neenama ameenshi yakunwa."

Mfula aipwishe Mwela ati, "Nifinshi ucita kukwafwilisha isonde?" Mwela ayaswike ati, "ndapyanga isonde pakuti lyaba ilyabusaka. Ndasalanganya imfula isonde lyoonse.

Mwela nawo aipwishe kasuba, "Finshi ucita ukwafwilisha isonde?" Kasuba alyaswike ati, "Mpela ulubuuto neecikabilila kwisonde ukutila inama neefimenwa finga kwata ubumi."

Akasuba, umweshi, imfula elyo noomwela fyakutike kumunankwe bwino-bwino.

Kasuba atiile, "Cacine cila umo naumo alafwilisha isonde munshila yaibela." Mweshi nawo atiile, "Cacine, tapali nangu umo uwacindamishapo ukucila ababiye". Mfula nawo ati, "Kuti twabombela pamo." Mwela alundapo ati, "Kanshi natwakane inshiku." Boonse baalisumiine.

Kasuba atiile, "Cacine cila umo naumo alafwilisha isonde munshila yaibela." Mweshi nawo atiile, "Cacine, tapali nangu umo uwacindamishapo ukucila ababiye". Mfula nawo ati, "Kuti twabombela pamo." Mwela alundapo ati, "Kanshi natwakane inshiku." Boonse baalisumiine.

Cinshi watemwapo pa kasuba, umweshi, imfula nangu umwela? Lenga ico watemwisha pali ifi?

Tulakabila isonde pakuti tube aboomi. Isonde lilatupela ifyakulya noomwakwikala elyo neefinama kabili neefimenwa. Fyoonse filatwafwilisha munshila shalekana-lekana. Naifwe kuti twacitapo fimo ifingafwilisha isonde. Finshi wingacita ukwafwilishako isonde? Lemba ifyo wingacita ukwafwilisha isonde.