Luka 10:25-37

Mwiixuttihi mmosa a Ikano aahimukoha Yesu iiraka: "Kimphavela ekumi ehinimala yeeyo Muluku onivahaawe."

Yesu aahimukoha wiira: "Ikano sinihimya exeeni?"

Mulopwana owo aahaakhula wiira: "Mumphenteke Muluku ni murima anyu wootheene. Mumphenteke mukhwiinyu ntoko siniiphentaanyu."

Yesu aahikupali.

Nto mulopwana owo aahimukoha Yesu wiira: "Mukhwaaka taani?" Okhala wiira owo aanihimya wiira tooreera murima.

Vano Yesu aahimwiixuttiha omwaalikelelaka nlikanyiho nla:

Mulopwana mmosa aakhuma oYerusalemu orowaka oYeriko, nto aahaaphwanya alavilavi mphironi, awo yaahinvara mulopwana owo, yaahimmana, yaahinvulaliha ni yaahimwaakha itthu sawe. Owo aahimora onahala vakhaani okhwa, alavilavi awo yaahitthyawasa.

Vano aahivira vaavo namukuttho mmosa. Owo aahimoona khuheemela.

Nave‑tho aahivira muLevi, ni owo‑tho khuheemela.

Aahivira vaavo‑tho muSamariya, muSamariya owo aari mmalapo. Owo aahimphwanya mulopwana owo ovulalihiwe‑ene vanci‑ene. Owo aahimoonela othunku, khweemela.

Aahivolowa mmurupani mwawe, aahikumiha murette khomuloola makhwatta awe. Aahimukuxa khunweliha vapuuruni vawe. Musamariya owo aahimurowana nipuro na alettho.

Owo aahivekela opuro wiira omuhiye weiwo, Owo aahimuliva mwaneene opuro owo. Musamariya aahihimya wiira: "Sinrowaanyu orumeela onvikana musurukhu ola, kinimoolivani kaahokolowaka."

Yesu aahimukoha wiira: "Mwa atthu awo araru, aari mukhwaawe mulopwana owo aavulalihiwe, tuuvixa?"

Mwiixuttihi a Ikano aahaakhula wiira: "Ti yoole aamoonenle othunku, eemela, orapiha makhwatta awe. Yoole aakokhonre omuhela murette."

Yesu aahimuhimeerya wiira: "Muhaakhula oratta‑ene. Muroweke mwawiireleke siiso akhwiinyu. Ntoko siinrye‑awe Musamaria."