Mulishani, nine Ntombi. Ndi kakashana ngootukashana tuumbi. Lelo nalikwata ing'wena mumubili wandi. Teeti muimone. Nomba nalishibaukuti emoyaba. Ishina ni Kasansa
Wabipisha. Aafisama mumubili wandi leelo tacena abanandi.

Teeti ifume mumubili wandi nookwingila mumubili obe nga.

Teeti afume mumubili wandi nookutolokela muoobe nangu twingaliila pamo nookulambalala pamo ilyo tuleetuusha.

Ing'wena yandi, Kasansa Wabipisha, aaba muli ine ukutula ilyo naafyelwe. Aalitemwa ukulya abashilika bonse abancingilila kutushishinaamalwele. Nga alya abashilika abengi mumubili, ndalwala saana. Ndafwilwa nookuya kusukulu nookwangala nabanandi.

Mfwile ukunwoomuti cila bushiku panshita imo ine. Ngateefyo, ing'wena ilashibuka
naikalipa icakuti nakabili yalya abashilika bandi. Nshifwaya ileeciteefyo. Eco, ndebukishako baamaama ukumpeela umuti panshita iyalinga.

Nga naalya ifyakulya ifisuma ngoomusalu neefisabo, abashilika mumubili wandi bala koselako. Ing'wena yandi ilafwilwa ukubeekata. Ndemona ilaya mukulaala panoono. Pantu ndoomfwako bwino kabili ndaba naamaka yakwangala nabanandi nakabili.
Ndasansamuka saana nga yayalaala pantu ndangala.

Bamaama bantwele kucipatala mukupoka umuti uwakuliisha ing'wena yandi.
Ulailaalika kabili, tailya abashilika bandi. Kabili ndakumanisha ukucita ifyakunsansamusha ifyo abaana bambi bacita pamo nga ukubutuka, ukunina imiti nookucinda.

Nalibatemwa saana baamaama. Baaba noomutima uusuma kabili baacikuuku. Balampela ifyakulya ifyakumanina nafimbipo ifya kukosha abashilika bandi pakuti nilalwala. Nga nalwala, balantwala kucipatala ukwabula kuposeenshita ukutiila naba bwino. Ndatemwa nga bambika pamoolu ukumbelengela utushimi ilyo nshilasendama.

Panuma yaakundalika, ndatontonkanya pafintu ifingi. Ntontonkanya pafyakwishiba ukubelenga musukulu. Nganakonkanyapo ukunwa umuti uulalika ing'wena yandi, nkasunga baamaama nookubabelengela utushimi lintu bakakota nookuleka ukumoona bwino. Nganakula, ndefwaya nkasambilile. Ndefwaya nkaafwilishe ukusanga umuti uwakulalika ing'wena shonse ishaikala mumibili yabantu umuyayaya.

Nalasambilila ukwikala neeng'wena yandi mumubili nookulailalika apo ningapesha. Kabili nkakwata abanandi abengi nookucita ifyakusansamusha inshiku shonse.

Baamaama, baamaayosenge na baayama kabili nabanandi baalintemwa nangu nakwata kasansa wabipisha mumubili.