Luka 11:1-10

Nihuku nimoca Yesu ahorwa nipuro uvekela; namalihileene, mwiitthuci mmoca ahomwiirela: Pwiya, uniitthucihe mananna oovekela, toko Yohani weetthucihilyawe eetthuci awe.

Ule aheerelaca:

Woovekela vaa, mwiireke:

Paapa, ncina ninyu nittakattifihiye; umwene enyu uwe. Nnivahe ilelo yolya ehu yo khula nihuku. Nnilevelele coottheka cihu, toko cinaalevelelehu annitthekela; ni nhinihiye nittehiyaka.

Yesu aheerela tho:

Tipani wa nyu rina mpwanaawe, nomwaavya uhiyu iriyari ni amwiirelaka: Mpwana, ukaasimihe mikatthe miraru kontha hoowa nletto aka uwaani, ni akirina itthu yommaha.

Mpwana, ukaasimihe mikatthe miraru kontha hoowa nletto aka uwaani, ni akirina itthu yommaha.

Ni mpwanaawe ule naamwakhula nari mpaani eeraka: Uhikinyakule. Nkhora kihotthyaa, mi na asaana aka nihorupa. Akinlamuliya wunwa wiira kuuvahe.

Kinoohimeryani wiira, pooti uhunwa nlattu wookhala mpwanaawe, nanso aahala wunwela wiira hinnyakule, mpaka unvaha cothene caaphavelawe.

Phimaana, mi kinawuhimeryani wiira: Nlepeleke, nnaavahiya; mwaavyeke, nnaaphwanya; mwaatteke nkhora ni nnaahuleliya.

Maana ule nolepela nawaakhela, ule naavya naaphwanya ni ule naatta nkhora naahuleliya.