Saara haana ikalawa imoca.
Ikalawa iyo yuulupale.
Uyo ri nikhopela nikhwawe no mooloko.

Athiyana ahowaaca umoolokoni. Nthiyana mmoca haana ipasiya imoca yo mihokorokho. Nkina haana mwalakhu mmoca. Nkina uyo haana ipuri imoca. Ni nkina uyo tho haana ipuri piili.

Ayo anonkoha Saara, yiiracaka: Ninhala uphiya cani hi nikhopela nikhwawe no mooloko?

Saara naakhula, eeraka: Nkelaceke nkalawani mwaka!

Wahoolo alopwana ahowa. Nlopwana mmoca haana ihopa. Nkina uyo haana ipaasikeeri. Nkina uyo tho haana icaakho imoca yo nakhuwo.

Ni nkina uyo tho ciicammo haana icaakho piili co nakhuwo. Ayo anonkoha Saara, yiiraka: Ninhala uphiya cani hi nikhopela nikhwawe no mooloko?

Saara naakhula, eeraka: Nkelaceke nkalawani mwaka!

Inama cihowa umoolokoni. Nnyo cinonkoha Saara, ciiraka: Ninhala uphiya cani nikhopela nikhwawe no mooloko?

Saara naakhula, eeraka: Nkeleke nkalawani mwaka!

Inama cinkela nkalawani.
Mwalapwa nokela nkalawani.
Paakha nokela nkalawani.
Khole nokela nkalawani.
Hukula nokela nkalawani.
Khapa nokela nkalawani.
Naahe nokela nkalawani.

Itthepo ihowa umoolokoni. Iyo inonkoha, yiiraka: Kinhala uphiya cani mi nikhopela nikhwawe no mooloko?

Saara naakhula, eeraka: Ukeleke nkalawani mwaka.

Itthepo inaakela nkalawani. Ikalawa iyo inaacara maasi.

Ikalawa iyo iri yankaani. Khaniwo nipuro noowanela.

Saara neera: Nkaareerihe ukati vakaani. Kimpacera waacisa toko athiyana.

Wahoolo kowaaciseke alopwana.

Wiimaleloni, kimmookusa inama nnyo.

Itthepo ineera: Mi kinrwa mwentta vathi.