A‑Sara akwete dikuwungwa dimo.
Dikuwungwa dyawo dyekulungwa.
Dikuwungwa-dyo didi mungulugulu lusulo.

Akopocele acakongwe kulusulo. Vakongwe vamo vana citundu ca yisogosi. Vane vakongwe akwete nguku. Sooni vane vakongwe akwete mbusi jimo. Sooni vane vakongwe akwete mbusi sividi.

Vele vanya akwaawuusya a‑Sara kuti, "Tujomboce cinawudi mpaka pesi lusulo?"

A‑Sara atite kuti, "Nkwele mundikuwungwa dyangu!"

Sooni ayice acalume. Vamo valume akwete somba. Vane valume akwete njinga. Vane akwete cisaka ca mpunga.

Vane valume akwete yisaka yividi ya mpunga. Vele vanya akwaawuusya a‑Sara kuti, "Tujomboce cinawudi mpaka pesi lusulo?"

A‑Sara akwanga kuti, "Nkwele mundikuwungwa dyangu!"

Yinyama yine yikopocele palusulo. Yele yikwaawuusya a‑Sara kuti, "Tujomboce cinawudi mpaka pesi lusulo?"

A‑Sara atite kuti, "Nkwele mundikuwungwa dyangu!"

Yinyama yikwesile mundikuwungwa.
Mbwa jikwesile mundikuwungwa.
Come cikwesile mundikuwungwa.
Dijani dikwesile mundikuwungwa.
Kalunga jikwesile mundikuwungwa.
Ngong'o jikwesile mundikuwungwa.
Ngolombwe jikwesile mundikuwungwa.

Ndembo jikopocele kulusulo. Jele jikwaawuusya kuti, "Wune cinyomboce cinawudi mpaka pesi lusulo?"

A‑Sara atite kuti, "Nkwele mundikuwungwa dyangu!"

Ndembo jikwesile mundikuwungwa. Dikuwungwadyo digumbele mesi.

Dikuwungwa dyawunicile vele vanya. Dikuwungwa didi dyamwana n'nope, dyangadi malo gakwanila.

A‑Sara atite, "Njembeceya panadi. Ca ndanda, cinyigale acakongwe."

A‑Sara atite, "Kaviidi, cinyigale acalume."

A‑Sara sooni atite kuti, "Kumpesi-ko, cinyigale yinyama."

Ndembo jitite, "Yi..! Wune cinyende wa pasi!"