Yoga wini, ilwonngani Anyango. Anyako paka nyiri meegi pokiroki ntyeni ani antye ghi ngoona ideli parani. Ikinyali neno gho, sano angeyo ni gho tye ideli parani. Nyinnge ilwongoni Kibwe Mager. Gho pondo ideli parani sano gho ki wumiya merin parani.

Gho kinyaali weyo deli parani todonjo ideli perin kibedo chiegini kodani, kosa ki-mako chingani.

Gho kinyaali weyo deli parani to-poori ideli perin kada beni ilewo kodani chiemo mudiecieng, kosa iyuomere kodani idie ot.

Acho-bedo ghi ngoona parani mee, Kibwe Mager Woki anyuole. Gho ogeno chamo julwenyi madeli parani jiee majulwenyo ghi twoo ideli parani. Kagho ochamo julwenyi parani madeli kweth, twoo makan. Nyuthoni akinyaali kadho isomero kisooma kosa tuko ghi wadani.

Aripo mwonyo yeni parani kisi ndelo isawa mutiire. Kaakitiimo amaragho ngoona parani chiewi ghi nge marachi tochama chama julwenyi madeli parani dhoko. Akimiti ngoona timo amarago, alwenyo swaaa poyo adhatha parani miya yeni isawa mutiire.

Kachamo chiemo maber paka fufin angwetta kodi gikipinyi paka mayembin, julwenyi ideli parani junwango meni kendo jokiyeeyi ngoona mako gyo. Aparoni kwa jukatho nindo mahola moro rupiri anuango meni matuko gemerin parani doko. Anuango siemi kagho okadho nindo rupiri anyalo tuko ye.

Adhatha oterani idwaliro chiengino tonuangorani gimapithogine ngoona parani. Gimee miyogho nindo kendo kinyaali chamo julwenyi parani madeli. Nyuthoni nyo anyalo timo gikipinyi mamiya siemi paka nthintho wadani paka nguechi, idho tye yeni ki myeli.

Ageeno adhatha parani swaa, gho ber kendo chunye ber kodan. Gho miyani chiemo tachamo kendo lwenyo nuango ni amuonyo vitamins muromo gatonga mamiyo julwenyi parani madeli meni.

Adhatha kochowo pyelani ikanindo, aparo gikipinyi kweth-swa. Aparo kumi kisoma isomero madwong. Kamedere muonyo yeni mamiyo ngoona parani nindo, alanyalo kisoma radhatha parani sitore kanyo gho ti sano nyo wange kineeni kiri. Kadongo, amito kisoma, amito lwenyo nuango ni akonyo inuango yathi mala miyo ngoona mabedo ideli paji nindo makichutho.

Ala ngiiyo bedo ghi ngoona parani kendo alamiyo gho nindo sawa moro gyiee paka nyalere. Alabedo ghi merin kwethi paka anyalo kendo alatuko swaa kisi ndelo.

Adatha parani, wayini parani kodi bachere parani jugenani, kada beni antye ghi ngoona milwongo ni Kibwe Mager mabedo ideli parani.