Imfene yahlangana nengwenya dvutane nelichibi.

"Uhlalaphi?" kubuta imfene.

"Echibini," kusho ingwenya.

"Wena uhlalaphi?" kubuta ingwenya.

"Etihlahleni," kusho imfene.

"Uyakwati yini kubhukusha?" kubuta ingwenya.

"Angikwati kubhukusha," kusho imfene.

"Ngingakufundzisa," kusho ingwenya.

"Sibangani. Ungangesabi," kusho ingwenya.

"Malume uyagula udzinga inyama," kusho ingwenya.

Imfene yesaba kakhulu. Ingabe ingwenya itoyidla?

Imfene yafuna kuphunyula engwenyeni.

Imfene yaba nembono.

"Ngitokunika inhlitiyo yami ngenca yakhe," kwetsembisa imfene.

"Inhlitiyo yami isesihlahleni emhlabeni," kusho imfene.

"Utokwati yini kulandza inhlitiyo yakho?" kubuta ingwenya.

"Yebo," kusho imfene.

Ingwenya yabhukusha yabuyela emuva emhlabeni.

Imfene yagcuma yagibela etihlahleni.

"Awusiye umngani wami. Ucambe emanga!" kusho ingwenya.

"Asisibo bangani. Ufuna kungidla!" kusho imfene.