Tamara waluba mwana unsichana wamakole mashanu walugala nemuli iye.

Unsha wabo waluba pelyo neshango yaluba nemhuka.

Tamara waluba mwana unowhilila bazwali.

Waluyembela imwizi nembuji.

Tamara waludisa kuwhisisa inyuni jikwimba sobwalulondota imhuka.

Pajalu kwimba inyuni, walubiga mabala awe munkwimbilo.

Tamara waluba untukutuku kunda kuchikolo.

Bazwali babe bakavumila bakulu babe kunda kuchikolo, Nashipae na Tasieku. Kwaluba makilomita igumi kundakuchikolo.

Nashipae na Tasieku bakenda zhingwanangwana
nabamwe bana
bokusha bezha madeko.

Bakanyamula chikafu munazwokubigila zwitukutuku.

Tamara wakabhuza amaibabe, "Ndonda lini kuchikolo?"

Amai babe bakashandula beti, "Unonda ngweno mwana wangu unodikana."

Limwe izhuba imota yakaswika naShe nabanhukaji babili.

BaShe bakada kuziba kuti bana banonda kuchikolo nonshaji wechokomende.

Banhu baluvumila kuti mwana angotambunuja luboko lulwe pezhulu ponsholo uwe etukobhata inzebe walukwelela kunda kuchikolo.

BaShe babhuza kuti, "Unamakole mangana?" Tamara wakashandula eti, "Ndina makole mashanu."

"Matibone kuti ungenda kuchikolo," baShe bakadalo.

Umwe wabanhukaji wakabhata luboko lwa Tamara akalubiga pansholo uwe.

Tamara wakabhata inzebe yokucheso.

Tamara unonda kuna chimwe chikolo chilosiyana necha Nashipae na Tasieku.

Chaluba chipya akale chili pelyo naye.

Tamara wakashantha, wakayeya kuti, "Ndichabala nokukwala sa Nashipae na Tasieku."