Kaindi kwansiku, Zuba, Mwezi, Imvwula amuwo zyakali kulwana.

Ipenzi lyaali lyakuti izuba lyakali kuyanda kubala buzuba boonse. Mwezi wakali kuyanda kumweka buzuba boonse. Imvwula yakali kuyanda kuloka buzuba boonse, amuwo wakali kuyanda kubbubbula buzuba boonse. Tibakali kuyanda kupana ciindi.

Bakazumina kukala antomwe kuti bazuminane. Zuba wakabuzya Mwezi, "Ncinzi ncocita cigwasyilizya nyika?" Mwezi wakavwila, "Ndilamweka masiku oonse kutegwa banyama bavweze kabotu."

Mwezi wakabuzya Imvwula, "Ucita nzi cigwasyilizya nyika?" Imvwula yakavwila, "Ndilapa meenda kuzisamu azisyango kuti kazikomena kabotu. Ndilapa meenda akunywa kuzinyama."

Imvwula yakabuzya Muwo, "Ucitanzi kugwasyilizya nyika?" Muwo wakavwila, Ndilakukula akusalazya nyika. Ndilamwaya mvwula nyika yoonse."

Muwo wakabuzya Zuba, "Ucitanzi kugwasyilizya nyika?" Zuba lyakavwila, Ndipa mumuni akukasala anyika, kutegwa banyama azisyango kazipona."

Izuba, Mwezi, Imvwula Amuwo zyakaswililana cakabotu.

Izuba lyakaamba, "Ncobeni umwi aumwi wesu kuli mbwagwasyilizya nyika." "Inzya," Wakaamba Mwezi, "Kunyina muli cesu wiinda mweenzinyina." Inga twabelekela antoomwe, Imvwula yakaamba. Muwo wakati, "Nkokuti atwabaane mazuba." Boonse Bakazumina.

Nkikambo kaako ncomubona kuti mazuba amwi mulabona Mwezi azuba kazimweka antoomwe. Alimwi muzimwi ziindi mulamvwa muwo kaubbubbula imvula kaiwa. Izuba, Mwezi, Imvula, aa Muwo zilabeleka kabotu antoomwe. Zilavwana.

Sena uyanda Zuba, Mwezi, Imvwula na Muwo? Kopa cifwanikiso cacintu ncoyandisisya awa.

Tuliiyanda nyika kuti tupone kabotu. Ilatupa cakulya aciteente, banyama azisyango. Zyoonse zilatugwasya munzila imwi. Mukusandula, inga twacita cimwi cintu kugwasya nyika yesu. Ulacita nzi kugwasya nyika yesu? Kolemba ncokonzya kucita.