Kale saana, Akasuba, Umweshi, Imfula na Umwela fyalelwa.

Ubwafya bwali bwakuti, Akasuba kaleefwaya ukulasanika bushiku bonse. Mweshi walefwaya ukubalika inshiku shonse.

Mfula alefwaya ukulaloka cila bushiku. Mwela nao waleefwaya ukulaapuupa cila bushiku.

Tafyaleefwaya ukupela na nshita.

Eico fyapingwile ukwikala pamo na ukulaya ngala pamo. Kasuba aipwishe mweshi, "Finshi ucita mukwafwilisha isonde?"

Mweshi ayaswike ati, "Ine mbalika ubushiku pakuti inama shilelunga."

Mweshi aipwishe Mfula, "Bushe finshi ucita mukwafwilisha isonde?"

Mfula ati, "Mpeela isonde ameenshi pakuti imiti nefimenwa fileekula bwino. Kabili ndapeela inama ameenshi yakunwa."

Mfula aipwishe Mwela ati, "Nifinshi ucita ku kwafwilisha isonde?"

Mwela ayaswike ati, "Ndapyanga isonde pakuti lyaba ilya busaka. Ndasalanganya Mfula isonde lyonse."

Mwela nao aipwishe Kasuba ati, "Finshi ucita ukwafwilisha isonde?"

Kasuba ayaswike ati, "Mpeela ulubuto na icikabilila kwisonde. Mfwaya ifimenwa ne nama filekwata ubumi."

Kasuba, Mweshi, Mfula na Mwela fyakutike ku munankwe bwino-bwino.

Kasuba atile, "Cacine cila umo naumo alafwilisha isonde munshila yaibela."

Mweshi nao atile, "Cacine tapali nangu umo uwacindamishapo ukucila ababiye."

Mfula nao ati, "Kuti twabombela pamo."

Mwela alunda po ati, "Kanshi natwakane inshiku."

Boonse baalisumiine.

Cinshi watemwishapo Kasuba, Umweshi, Imfula nangu Umwela?

Lenga ico watemwisha pali ifi.

Tulakabila isonde pakuti tube aboomi. Isonde lilatupela ifyakulya noomwakwikala elyo neefinama kabili neefimenwa. Fyoonse filatwafwilisha munshila shalekana-lekana. Naifwe kuti twacitapo fimo ifingafwilisha isonde. Finshi wingacita ukwafwilishako isonde? Lemba ifyo wingacita ukwafwilisha isonde.