Karaaja mono, ntũũrene ya Kithuraku, nĩ kwariĩna muntũ ũmwĩthĩ watũraga na aciari bawe.
Mũthaka ũjũ nĩ agwatagĩra aciari bawe nthoni na antu bangĩ bonthe ntũũrene. Rĩĩtwa rĩawe etagwa Kĩmathi Kairanya.
Jũmatatũ ciethagĩrwa irĩ na ngugĩ inyingĩ nĩuntũ bwa kũthuranĩra aana gwĩta cukuru nyuma ya mũthia jwa kiumia.
Ntukũ ĩmwe, arĩ njĩrene etĩte cukuru, Kĩmathi aracemania na mũthaka wetagwa Kĩthĩnji. Bareta bakĩaragia na baratuma ũcore.
Kĩthĩnji arũjaga ntukũ cionthe, agacogothana na kuugĩĩra bangĩ cukuru. Nĩ arĩ muntũ ũmũthũku na acethaga na kugwĩrĩrua gukarania na ikundi bia antũ baathũku.
Kaora Kĩthĩnji arakucĩria Kĩmathi. Kĩmathi atendere kwonekana arĩ ũmũkiru arambĩria mĩtugo ĩmĩthũku ja Kĩthĩnji.
Kĩmathi araa mũthangani na mwagiri aciari na antu bangĩ nthoni barĩa atwĩre kũgwatira nthoni. Araa mũrebi na araitĩjĩra.
Kĩmathi aratwĩka mũmaramari na aragwatwa nĩ mĩrimo ya amaramari. Araceng'a mono na Kĩthinji arambĩria kũmũthekera na atĩende gwĩtwa mũcore wawe kaĩrĩ.
Aciari ba Kĩmathi baramwĩkĩra wiru bwa gwĩta cibitarĩ ĩria yaarĩ akuĩ aewa ndawa. Akunyua ndawa araigwa bũbwega.
Kĩmathi araicokera ũtũũro bwawe. Aramenya araatumite ucore na mũnthũ.
Arambĩria kũrita ngũgĩ cukuru na araromba ũrekeri kĩrĩ aciari bawe na aritani.
Kĩthĩnji arathũrua nĩ mĩtugo ya Kĩmathi ĩmiega.
Ĩndĩ araconoka niuntũ bwa mĩtugo yawe wengwa na arathũgania kũgarũka na kwaa muntũ ũmwega.
Translation - Tarsilla Thuranira
Illustration - Thulani Mhlanga
Language - Kῖmῖῖrũ
Level - Longer paragraphs
Creative Commons: Attribution 4.0
Source www.africanstorybook.org
Original source This story was selected as one of the 7 winning stories from the Writing in your mother tongue writing competition partnership between Saulsville Library and the African Storybook Initiative.
